លោក Donald Trump មិនត្រឹមតែជាប្រធានាធិបតីសហរដ្ឋអាមេរិកប៉ុណ្ណោះទេ ថែមទាំងជាមហាសេដ្ឋីអចលនទ្រព្យមួយរូបផងដែរ។ ប្រសិនបើអ្នកធ្វើដំណើរទៅរដ្ឋ La Guardia ក្នុងទីក្រុង New York អ្នកនឹងឃើញអគារមួយកម្ពស់ ៦៧ជាន់ ហៅថា Trump Tower។ យោងតាមគេហទំព័រ Doughopkins របស់បរទេសបានលើកឡើងពី ៨ ចំនុចនៃភាពជោគជ័យរបស់លោក Donald Trump លើវិស័យអចលនទ្រព្យដូចខាងក្រោមនេះ៖

១. គេងតិចតែធ្វើការច្រើន

លោក Donald Trump បានមានប្រសាសន៍ថា លោកធ្វើការមួយសប្តាហ៍ ៧ថ្ងៃ យ៉ាងតិចលោកចំណាយពេល ១០ម៉ោងក្នុងមួយថ្ងៃសម្រាប់ធ្វើការ។

លោកចំណាយពេលសម្រាប់គេងត្រឹមតែ ៤ម៉ោងប៉ុណ្ណោះក្នុងមួយថ្ងៃ ធ្វើបែបនេះលោកអាចរក្សានៅគម្លាតជាមួយដៃគូប្រកួតប្រជែងបានល្អ។

២​. ជឿជាក់លើខ្លួនឯង

លោកជឿជាក់លើខ្លួនរបស់លោក និងសមត្ថភាពរបស់លោក បើទោះបីជាមានរឿងអ្វីកើតឡើង ល្អ ឬអាក្រក់ លទ្ធផលគឺនៅតែដូចគ្នា នៅក្នុងគំនិតរបស់លោក។

៣. ប្រើប្រាស់ទេពកោសល្យ

លោកគឺជាបុគ្គលគំរូមួយដែលបានប្រើប្រាស់ទេពកោសល្យរបស់លោក ដើម្បីធ្វើការលើបញ្ហាយុទ្ធសាស្ត្រ។ លោកពុំចាំបាច់ទទួលដឹងនៅបញ្ហាលម្អិតនោះទេ ដោយលោកបានជួលអ្នកជំនាញល្អបំផុតផ្នែកអាជីវកម្ម ដើម្បីដោះស្រាយបញ្ហាទាំងនោះ។

៤. ចំណាយច្រើនដើម្បីគុណភាព

លោកគឺជាបុគ្គលមួយរូប ដែលល្បីល្បាញក្នុងការចំណាយប្រាក់យ៉ាងច្រើន ដើម្បីទទួលបានគុណភាព​ល្អបំផុត ហើយលោកទទួលបានតម្លៃល្អបំផុតដែលសាកសមទៅនឹងគុណភាព ដោយមិនខ្ជះខ្ជាយថវិកា។

៥. ធ្វើនៅអ្វីដែលគេមិនហ៊ានធ្វើ

លោកបានបណ្តាក់ទុននៅលើទីផ្សារមួយចំនួន ខណ:ពេលដែលអ្នកវិនិយោគខ្លះខ្លាចរអាមិនហ៊ានធ្វើ។

៦. គ្រូដ៏អស្ចារ្យរបស់លោក

លោក Donald Trump បានទទួលការណែនាំអំពីវិស័យអចលនទ្រព្យពីឪពុករបស់លោក។

៧. មិនដែលបោះបង់

បើទោះបីជាមនុស្សទូទៅនិយាយប្រាប់លោកថា ទេ ប៉ុន្តែលោកនៅតែខិតខំ ដើម្បីឲ្យវាកាន់តែខិតទៅជិត ពាក្យ អាច។

៨. រៀនជានិច្ច

លោកតែងតែចំណាយពេលរបស់លោកជារៀងរាល់ថ្ងៃ ដើម្បីបង្កើននូវគំនិត និងចំណេះដឹងរបស់លោក។ លោកមិនធ្លាប់គិតថា លោកចេះទាំងអស់នោះទេ៕