Post News Media ព័ត៌មានសេដ្ឋកិច្ច នាវាទី ១២ នាំ...

នាវាទី ១២ នាំភ្ញៀវទេសចរជាង ១០០០នាក់ មកកម្សាន្តនៅកម្ពុជា

នាវាទេសចរណ៍ Nautica ជានាវាទី ១២ សម្រាប់ឆ្នាំ ២០១៧ ដែលបាននាំយកភ្ញៀវទេសចរប្រមាណជិត ១ពាន់នាក់ មកលេងកម្ពុជា។ នេះបើយោងតាមគេហទំព័ររបស់កំពង់ផែស្វយ័តក្រុងព្រះសីហនុ។

នាវានេះ ធ្វើដំណើរមកពីកំពង់ផែ Laemchabang ប្រទេសថៃ ផ្ទុកអ្នកដំណើរ ៦៤២នាក់ និងនាវិកចំនួន ៣៩៥នាក់ ហើយបានចូលចតនៅកំពង់ផែស្វយ័តក្រុងព្រះសីហនុ នឹងចាកចេញទៅកំពង់ផែ Hochiminh នៅថ្ងៃនេះវេលាម៉ោង ១០យប់។

កំណើនភ្ញៀវទេសចរទាំងនេះ ដោយសារបច្ចុប្បន្នប្រទេសកម្ពុជាមានសន្តិសុខ សុវត្ថិភាព និងមានការអភិវឌ្ឍរីកចម្រើននូវហេដ្ឋារចនាសម្ព័ន្ធនានា ក្នុងដំណើរកម្សាន្តរបស់ភ្ញៀវទេសចរជាតិ និងអន្តរជាតិមកលេងកម្សាន្តនៅខេត្តព្រះសីហនុ ជាតំបន់ឆ្នេរសមុទ្រទាក់ទាញភ្ញៀវទេសចរ មិនចាញ់ខេត្តសៀមរាប អង្គរនោះទេ ជាពិសេសតំបន់កោះ មានដូចជា កោះរ៉ុង ជាដើម៕