តើអ្នកធ្លាប់បរិភោគប៉េងប៉ោះស្រោមដែរឬទេ ពេលនៅតូចៗ? មនុស្សដែលរស់នៅតាមបណ្តាលខេត្ត ឬនៅតាមទីជនបទនានា ច្បាស់ជាស្គាល់ផ្លែឈើមួយប្រភេទនេះច្បាស់ណាស់។ ប៉ុន្តែ សម្រាប់អ្នកដែលរស់នៅទីប្រជុំជនវិញ ប្រហែលជាមានភាគតិចណាស់ដែលស្គាល់។

ទោះជាយ៉ាងណាវាមិនថ្វីនោះទេ ថ្ងៃនេះអ្នកនឹងបានស្គាល់ ហើយក៏បានដឹងពីអត្ថប្រយោជន៍ដ៏អស្ចារ្យរបស់វាផងដែរ។

តើផ្លែឈើដែលមានរាងតូចៗបែបនេះ អាចជួយអ្វីខ្លះបាន?
– វាជាប្រភពនៃវីតាមីន A B និង C។
– វាជាប្រភពនៃថាមពល ដែលល្អសម្រាប់កុមារ និងអ្នកលេងកីឡា។
– វាមានផ្ទុកប្រូតេអ៊ីន និងផូស្វ័រជាច្រើន ដែលជួយជំរុញដល់ការលូតលាស់នៃរាងកាយ។
– វាគឺជាថ្នាំបញ្ចុះទឹកនោមដ៏មានប្រសិទ្ធភាព។
– វាអាចជួយកាត់បន្ថយកូឡេស្តេរ៉ុលអាក្រក់។
– វាអាចជួយបន្សុទ្ធឈាម។
– វាអាចជួយជំរុញដល់ប្រព័ន្ធរំលាយអាហារដំណើរការបានល្អ។

ទាំងអស់នេះហើយ គឺជាអត្ថប្រយោន៍ដែលគ្រប់គ្នាស្មានមិនដល់ ដូច្នេះអ្នកគួរតែពិចារណាចំពោះការទទួលទានប៉េងប៉ោះស្រោម៕