បរទេសៈ តើអ្នកមានគិតទេថា នឹងបោះបង់ទម្លាប់មិនល្អចោល ដែលអ្នកតែងធ្វើវា នៅអំទ្បុងពេលរដូវក្ដៅនោះ?
អាកាសធាតុក្ដៅ អាចនឹងធ្វើឲ្យអ្នកមានអារម្មណ៍ថា មិនស្រួលចិត្ត ហើយវាក៏ជាពេលវេលាមួយ ដែលធ្វើឲ្យអ្នកប្រឈមញឹកញាប់ ជាមួយបញ្ហាសុខភាព ផងដែរ។ ខាងក្រោមនេះ ជាហានិភ័យសុខភាពបីយ៉ាង ដែលអ្នកគួរជៀសវៀងធ្វើវា៖

១. ងូតទឹកភ្លាមៗ ខណៈបែកញើស
ជាទូទៅនៅពេលអ្នកមានអារម្មណ៍ថា ក្ដៅអ្នកប្រាកដជាគិតថា មានតែងូតទឹកទេ ទើបទទួលបានភាពត្រជាក់។ ប៉ុន្តែការងូតទឹក អំទ្បុងពេលលេងបាល់ ឬធ្វើលំហាត់ប្រាណបែកញើស វាអាចបង្កឲ្យស្ទះរន្ធញើស ដែលបណ្ដាឲ្យកើតជំងឺផ្ដាសាយ ផងដែរ។

២. ប្រើកង្ហារ ឬម៉ាស៊ីនត្រជាក់ពេញមួយថ្ងៃ
អំទ្បុងពេលរដូវក្ដៅ ការប្រើកង្ហារ ឬម៉ាស៊ីនត្រជាក់ពេញមួយថ្ងៃ អាចធ្វើឲ្យស្បែកងាយរលាក និងប្រឈមជំងឺផ្លូវដង្ហើមបាន។

៣. ផឹកទឹកកក
ជាទម្លាប់ ការទទួលទានការ៉េម ឬផឹកទឹកត្រជាក់ គឺពេញនិយមបំផុតនារដូវក្ដៅ ដែលវាជាហានិភ័យខ្ពស់ផងដែរ ចំពោះការអនុវត្តទម្លាប់បែបនេះជាប្រចាំ ព្រោះទឹកត្រជាក់ អាចកាត់បន្ថយ សមត្ថភាពនៃការស្រូបទឹករបស់រាងកាយ ថែមទាំងធ្វើឲ្យឈឺបំពង់ក និងធ្មេញមានបញ្ហា ទៀតផង៕