ព័ត៌មានសុខភាព

អាហារឆៅ៣ប្រភេទ ទោះឆ្ងាញ់យ៉ាងណាក៏ដោយ បើឈប់បានគួរតែឈប់ទៅ

អាហារស្ទើរតែទាំងអស់ អាចនឹងផ្ទុកបាក់តេរី ប្រសិនបើមិនបានឆ្លងកាត់ការចម្អិន ដោយប្រើកម្តៅឲ្យខ្លាំង។ ជាក់ស្តែងស៊ុត​ជ័រព្នៅ និងសាច់គោជាប់ឈាម ជាអាហារដែលមនុស្សទូទៅចូលចិត្តទទួលទានបំផុត ប៉ុន្តែអាហារទាំងនេះ សុទ្ធតែជាភ្នាក់ងារចម្លងបាក់តេរី ដែលអាចបង្កបញ្ហាសុខភាពជាច្រើន។ ខាងក្រោមនេះ ជាអាហារ៣ប្រភេទ បើអ្នកអាចជៀសបានគួរតែជៀសទៅ ព្រោះ៖

១.សាច់ឆៅ
សាច់គោ ឬសាច់ក្រហមមួយចំនួន ដែលមិនបានចម្អិន ឬចម្អិនដោយប្រើភ្លើងតិចៗ សុទ្ធតែអាចចម្លងបាក់តេរីចូលទៅក្នុងប្រព័ន្ធរំលាយអាហារ បន្ទាប់មកពួកវានឹងបង្កបង្កើតកូនចៅយ៉ាងឆាប់រហ័ស ហើយធ្វើឲ្យអ្នកមានបញ្ហាសុខភាពជាច្រើន។

២.ស៊ុតឆៅ ឬស៊ុតជ័រព្នៅ
ស៊ុតឆៅ ឬស៊ុតជ័រព្នៅ ជាអាហារដែលពេញនិយមណាស់សម្រាប់បងប្អូនប្រជាពលរដ្ឋខ្មែរ ព្រោះពួកគេយើងគិតថា វាមានរសជាតិឆ្ងាញ់ ហើយអាចប៉ូវកម្លាំងទៀតផង។ ប៉ុន្តែអ្នកជំនាញម្ហូបអាហារ James Rushing ព្រមានថាការទទួលទានអាហាបែបនេះមានគ្រោះថ្នាក់ណាស់សម្រាប់សុខភាព ជាពិសេសក្នុងរដូវក្តៅ ព្រោះស៊ុតងាយនឹងឆ្លងមេរោគណាស់។

៣.អយស្ទើ
អយស្ទើ ជាអាហារសមុទ្រមួយប្រភេទដែលមនុស្សភាគច្រើន ចូលចិត្តទទួលទានទាំងឆៅ ព្រោះវាមានរសជាតិឆ្ងាញ់ និងប៉ូវកម្លាំង។ ហេតុនេះហើយ បានជាបាក់តេរី និងមេរោគជាច្រើនមានឱកាសខ្ពស់ក្នុងការចម្លងទៅក្នុងខ្លួនមនុស្ស ហើយបង្កើតទៅជាជំងឺផ្សេងៗជាច្រើន៕

 

មតិយោបល់