ស្ត្រេស គឺជាជំងឺមួយប្រភេទដែលកើតមានឡើងចំពោះអ្នកដែលចូលចិត្តគិតច្រើន ហើយជាញឹកញាប់ជំងឺមួយនេះអាចធ្វើអ្នកងាយនឹងកើតជំងឺ បេះដូង សម្ពាធឈាមឡើងខ្ពស់ ដាច់សរសៃឈាមខួរក្បាល ឈឺទ្រូង និងចង្វាក់បេះដូងលោតខុសធម្មតា។

បើយោងតាមគេហទំព័រ boldsky បានបង្ហាញថា ជំងឺស្ត្រេស អាចធ្វើឲ្យអ្នកជួបនឹងញ្ហាភ្លាមៗដូចជា វិលមុខ ឈឺក្បាល មួម៉ៅច្រើន ឬថប់អារម្មណ៍​ជាដើម។ ប្រសិនបើអ្នកកើតមានរោគសញ្ញាទាំងនេះ សូមព្យាយាមគ្រប់គ្រងវាឲ្យបាន បើពុំដូច្នោះទេ​អ្នកអាច​ប្រឈមនឹង​ជំងឺដាច់សរសៃឈាម​ក្នុង​ខួរក្បាល និងគាំងបេះដូងនៅថ្ងៃណាមួយជាពុំខាន។

ស្ទះសរសៃឈាមអាក់ទែ
នៅពេលដែលសរសៃឈាមអាក់ទែត្រូវបានរាំងស្ទះ លំហូរឈាមមិនអាចផ្គត់ផ្គង់ទៅកាន់តំបន់ផ្សេងៗនៃបេះដូងបានគ្រប់គ្រាន់ឡើយ នេះហើយជាបញ្ហាដែលធ្វើឲ្យកើតមានជំងឺគាំងបេះដូង។

ដាច់សរសៃឈាមខួរក្បាល
ប្រសិនបើកម្រិតនៃភាពតានតឹងកាន់តែកើនឡើង អ្នកច្បាស់ជាប្រឈមនឹងបញ្ហាដាច់សរសៃឈាមខួរក្បាលកាន់តែខ្ពស់ដែរ។ ហេតុនេះហើយ នៅពេលមានបញ្ហាស្ត្រេសកើតឡើង អ្នកជំនាញបានណែនាំឲ្យអ្នកព្យាយាមគ្រប់គ្រងវាឲ្យបាន។

សម្ពាធឈាមឡើងខ្ពស់
បញ្ហាស្ត្រេសកាន់តែខ្លាំងធ្វើឲ្យសម្ពាធឈាមក្នុងរាងកាយមានការកើនឡើង នេះហើយមូលហេតុដែលបណ្តោលឲ្យមានការខូចខាតដល់សរសៃឈាមក្នុងខួរក្បាល។

អតុល្យភាពអ័រម៉ូន
កាលណាអ័រម៉ូននៅក្នុងរាងកាយអតុល្យភាព កូឡេស្តេរ៉ុលនឹងកើនឡើង កត្តាមួយនេះហើយដែលបណ្តោលឲ្យអ្នកប្រឈមហានិភ័យនៃជំងឺបេះដូង ព្រមទាំងជំងឺដាច់សរសៃឈាមក្នុងបេះដូង៕