ដូចដែរអ្នកបានដឹងហើយថា ព័ត៌មានអំពីផលប៉ះពាល់នៃមីកញ្ចប់ ត្រូវបានគេយកមកចុះផ្សាយផ្លុកទឹកផ្លុកដីយ៉ាងណា ដូចជាជំងឺមហារីក បញ្ហាសសៃឈាមបេះដូង និងកង្វះអាហាររូបត្ថម្ភជាដើម។ ប៉ុន្តែក៏មានអ្នកជំនាញមួយចំនួនបានអះអាងថា ការទទួលមីកញ្ចប់ អាចផ្តល់ថាមពលដ៏រាងកាយរបស់មនុស្សទៅវិញ។

លោកសាស្រ្តាចារ្យ Dong Thi Anh Dao នៃសាកលវិទ្យាល័យពហុបច្ចេកទេស​ ក្នុងទីក្រុងហូជីមិញបានប្រាប់ឲ្យដឹងថា មីមួយកញ្ចប់អាចបំពេញតម្រូវការថាមពលសម្រាប់មនុស្សម្នាក់ ដូចអាហារដ៏ទៀតដែរ ចំពោះអាហារមួយពេល នេះបើយោងតាមគេហទំព័រ soha ដែលបានធ្វើការដកស្រង់សម្តីរបស់លោកក្នុងពេលធ្វើបទបង្ហាញ។

លោកបានបញ្ចាក់ថា មីកញ្ចប់ដែលផលិតស្របទៅតាមស្តង់ដារ គឺត្រូវមានគ្រឿងផ្សំដូចជាជាតិសាច់ ទឹកដោះគោ បន្លែ និងខ្លាញ់ល្អ ហើយតម្រូវឲ្យបច្ចេកវិទ្យាខ្ពស់ និងមានអនាម័យ ដើម្បីផលិតមីកញ្ចប់មួយ
ដែលមិនប៉ះពាល់ដល់សុខភាពមនុស្ស។

ដូចនេះប្រសិនអ្នកចង់ទទួលទានមីកញ្ចប់ អ្នកត្រូវតែជ្រើសរើសយកប្រភេទមីកញ្ចប់ ដែលមានគុណភាពខ្ពស់
ដើម្បីកុំឲ្យប៉ះពាល់ដល់សុខភាពរបស់អ្នក៕