ផ្លែស្ត្រប៊ឺរី ត្រូវបានគេទទួលស្គាល់ថា ពិតជាមានរសជាតិឆ្ងាញ់ពិសារ ហើយថែមទាំងផ្តល់នូវអត្ថប្រយោជន៍យ៉ាងច្រើនសម្រាប់សុខភាពទូទៅ។ ព្រោះ ផ្លែស្ត្រប៊ឺរី មានផ្ទុកសារធាតុប្រឆាំងអុកស៊ីតកម្ម សារធាតុចិញ្ចឹម និងវីតាមីនរួមមាន ប៉ូតាស្យូម ម៉ង់ហ្គាណែស និងម៉ាញេស្យូម។ ជាពិសេស វីតាមីន C របស់វាអាចជួយពង្រឹងដល់ប្រព័ន្ធភាពស៊ាំក្នុងរាងកាយ ធ្វើឲ្យអ្នកកាន់តែមានសុខភាពល្អ។
បើតាមគេហទំព័រ davidwolfe បានបង្ហាញថា ការទទួលទាន ផ្លែស្ត្រប៊ឺរី អាចកាត់បន្ថយកម្រិតសម្ពាធឈាម គ្រប់គ្រងជាតិស្ករក្នុងឈាម កាត់បន្ថយហានិភ័យនៃជំងឺគាំងបេះដូង រហូតដល់៣២ភាគរយ ចំពោះស្ត្រីវ័យក្មេង និងវ័យកណ្តោល។ លើសពីនេះទៅទៀត អ្នកជំងឺទឹកនោមផ្អែម ត្រូវបានផ្តល់អនុសាសន៍ឲ្យទទួលទានជាប្រចាំផងដែរ។
ហើយអ្វីដែលកាន់តែអស្ចារ្យជាងនេះទៅទៀតនោះ គឺអ្នកស្រាវជ្រាវបានរកឃើញថា ផ្លែស្ត្រប៊ឺរី អាចការពារ និងព្យាបាលជំងឺមហារីកសុដន់ យ៉ាងពូកែបំផុត។
ដោយសារតែឃើញពីអត្ថប្រយោជន៍ដ៏អស្ចារ្យបែបនេះហើយ ទើបក្រុមអ្នកជំនាញបានផ្តល់អនុសាសន៍ ឲ្យអ្នករាល់គ្នាទទួលទាន ផ្លែស្ត្រប៊ឺរី ជាប្រចាំ៕
មតិយោបល់