អ្នកណាៗក៏ប្រាថ្នាចង់បានសុខភាពល្អ ហើយគ្មានជំងឺប្រចាំរាងកាយដែរ ក៏ប៉ុន្តែបំណងមួយនេះកម្រមានអ្នកធ្វើបានណាស់ ដោយសារតែទម្លាប់រស់នៅប្រចាំថ្ងៃ និងការទទួលទានរបបអាហារគ្មានផាសុខភាព។ ផ្ទុយទៅវិញ ប្រសិនបើអ្នកឧស្សាហ៍ហាត់ប្រាណ ហើយព្យាយាមទទួលទានអាហារដែលមានសុខភាពល្អជាប្រចាំ ជំងឺមិនហ៊ានបៀតបៀនក្នុងរាងកាយរបស់អ្នកឡើយ។
ខាងក្រោមនេះ គឺជាអាហារដែលអ្នកគួរតែទទួលទានជាប្រចាំ:
១.ផ្លែក្រូច
ក្រូច គឺជាផ្លែឈើមួយប្រភេទដែលមានផ្ទុកវីតាមីនC កម្រិតខ្ពស់ អាចជួយបង្កើនកោសិកាឈាមស និងប្រព័ន្ធភាស៊ាំរបស់រាងកាយ។ មិនតែប៉ុណ្ណោះ ជាតិសរសៃរបស់វាអាចជួយជំរុញឲ្យប្រព័ន្ធរំលាយអាហារឲ្យដំណើរការបានល្អ និងពង្រឹងស្រទាប់កូឡាជែន(collagen) នៅក្រោមស្បែកថែមទៀត។
២.ផ្កាខាត់ណាពណ៌ខៀវ
បន្លែមួយប្រភេទនេះ សម្បូរវីតាមីនC វីតាមីនK និងជាប្រភពនៃបេតាការ៉ូទីន(beta carotene) ដែលល្អបំផុតសម្រាប់ភ្នែក។ លើសពីនេះទៅទៀត ផ្កាខាត់ណាពណ៌ខៀវ មានផ្ទុកសារធាតុសំខាន់ៗជាច្រើន ដែលអាចប្រយុទ្ធប្រឆាំងនឹងជំងឺមហារីកសួត ជំងឺមហារីកប្លោកនោម និងជួយឲ្យឆ្អឹងរឹងមាំ។
៣.ដំឡូងជ្វា
ដំឡូងជ្វា សម្បូរទៅដោយសារធាតុ បេតាការ៉ូទីន(beta carotene) ដែលអាចជួយពង្រឹងដល់ប្រព័ន្ធភាពស៊ាំ ជំនួយដល់ភ្នែក ជួយឲ្យលំពែងមានសុខភាពល្អ។ ក្រៅពីនេះ ដំឡូងជ្វាអាចជួយសម្រកទម្ងន់ ធ្វើឲ្យស្បែកមានភាពស្រស់ស្អាត ហើយមានប្រសិទ្ធភាពប្រឆាំងនឹងជំងឺមហារីកថែមទៀត។
៤.ទឹកដោះគោយ៉ាអួ
ទឹកដោះគោយ៉ាអួ មានផ្ទុកសារធាតុសំខាន់ៗដូចជា ប៉ូតាស្យូម ផូស្វ័រ ស័ង្កសី វីតាមីនB12 និងប្រូតេអ៊ីន ដែលអាចជួយឲ្យប្រព័ន្ធដំណើរការក្នុងរាងកាយមានភាពប្រសើរឡើងជាងមុន។ នេះហើយ ជាមូលហេតុ ដែលអ្នកជំនាញផ្តល់អនុសាសន៍ឲ្យយើងទទួលទានរាល់ថ្ងៃ។
៥.តែ
ការទទួលទានតែបៃតងជាប្រចាំក្នុងកម្រិតមធ្យម អាចជួយកាត់បន្ថយហានិភ័យនៃជំងឺមហារីក ការពារជំងឺបាត់បង់ការចង់ចាំ ធ្វើឲ្យធ្មេញ និងឆ្អឹងមានភាពរឹងមាំ។
៦.ស៊ុត
ស៊ុត ត្រូវបានគេទទួលស្គាល់ថា ជាប្រភពនៃប្រូតេអ៊ីន ដែលល្អបំផុតសម្រាប់រាងកាយ ហើយគ្មានជាតិខ្លាញ់ថែមទៀត។ មិនតែប៉ុណ្ណោះ វាមានតម្លៃថោកសមរម្យ ហើយងាយស្រួលចម្អិនជាងអាហារផ្សេងៗ៕
ប្រភព: rak sukapap
មតិយោបល់