ព័ត៌មានសុខភាព

វិធីសម្រកកំភួនជើងធំ ឲ្យស្រឡូនស្អាតគួរឲ្យច្រណែន

កំភួនជើងធំ គឺជាបញ្ហាមួយដែលធ្វើឲ្យសុភាពនារីទាំងឡាយមិនហ៊ានស្លៀកខ្លីបង្ហាញរាងនោះឡើយ ហើយជម្រើសមានតែស្លៀកសំពត់វែង ឬខោជើងវែងដើម្បីបិតបាំងការពិតតែប៉ុណ្ណោះ។ ទោះជាយ៉ាងណាមិនមែនមានន័យថាអ្នកត្រូវប្រឈមនឹងបញ្ហាបែបនេះរហូតទេ បើយោងតាមគេហទំព័រ rak sukapap បានបង្ហាញថា មានលំហាត់ប្រាណ៥ចំណុច ដែលអាចធ្វើឲ្យកំភួនជើងប្រែជាស្រឡូនស្អាតមកវិញបាន។

ខាងក្រោមនេះ គឺជាលំហាត់ប្រាណ៥ចំណុច ដែលធ្វើឲ្យជើងស្រឡូនស្អាតដូចបំណង:
ជំហ៊ានទី១. អ្នកត្រូវរត់យឺតៗមួយថ្ងៃឲ្យបាន៣០នាទី ដើម្បីថែរក្សារាងកុំឲ្យរីកមាឌកាន់តែធំជាងនេះ។
ជំហ៊ានទី២. ឈរឲ្យត្រង់ខ្លួន រួចចំអើតជើងរាប់យឺតៗពី១ដល់១០ ទើបដាក់កែងជើងដល់ដីវិញ ប៉ុន្តែអ្នកត្រូវធ្វើបែបនេះឲ្យបាន ៣០ដង។
ជំហ៊ានទី៣. អង្គុយនៅលើកៅអ៊ីឲ្យត្រង់ខ្លួន រួចបង្វិលកជើងម្ខាងៗឲ្យបាន៦ជុំ ប៉ុន្តែអ្នកត្រូវធ្វើឡើងវិញឲ្យបាន១០ដង។
ជំហ៊ានទី៤. សូមឈរឲ្យត្រង់ខ្លួន រួចញែកជើងចេញពីគ្នាបន្តិច ហើយត្រូវបន្ទន់ជង្គង់ម្ខាងៗឲ្យបាន១០ដង។
ជំហ៊ានទី៥. ហែលទឹក ៣ទៅ៥ដងក្នុងមួយសប្តាហ៍ ឬរាល់ថ្ងៃកាន់តែល្អ។

ក្រៅពីអនុវត្តតាមវិធីសាស្ត្រទាំង៥ចំណុចខាងលើនេះហើយ អ្នកកុំភ្លេចទទួលទានរបបអាហារណាដែលមានផាសុខភាពដូចជា បន្លែ និងផ្លែឈើជាប្រចាំ ដើម្បីជួយជំរុញឲ្យរាងកាយកាន់តែមានភាពរឹងមាំ៕

មតិយោបល់