ជំងឺស្ទះសរសៃឈាម គឺជាបញ្ហាដ៏អាក្រក់ខ្លាំងបំផុតដែលអាចធ្វើឲ្យអ្នកជំងឺប្រឈមនឹងហានិភ័យនៃការស្លាប់បានគ្រប់ពេល ជាពិសេសការស្ទះសរសៃឈាមខួរក្បាល និងបេះដូង។ មូលហេតុចម្បងដែលបណ្តោលឲ្យកើតមានជំងឺនេះ គឺទម្លាប់រស់នៅមិនល្អ និងការទទួលទានអាហារសម្បូរជាតិខ្លាញ់ ដែលធ្វើឲ្យកូឡេស្តេរ៉ុលកើនឡើង។ ក៏ប៉ុន្តែប្រសិនបើអ្នកទទួលទានអាហារធម្មជាតិ៧ប្រភេទនេះ កូឡេស្តេរ៉ុលអាក្រក់នឹងរលាយបាត់អស់ ហើយឈាមក៏រត់បានល្អដែរ។

១.តែបៃតង
តែបៃតងមានផ្ទុកសារធាតុប្រឆាំងអុកស៊ីតកម្ម ដែលអាចស្រូបយកកូឡេស្តេរ៉ុលអាក្រក់បានភ្លាមៗ។ ដូច្នេះប្រសិនបើអ្នកទទួលទានមួយថ្ងៃពីរពែងជាប្រចាំ បញ្ហាស្ទះសរសៃឈាមមិនហ៊ានបៀតបៀនទៀតឡើយ។

២.រមៀត
រមៀតក៏មានផ្ទុកសារធាតុប្រឆាំងអុកស៊ីតកម្មប្រឆាំនឹងការរលាក ព្រមទាំងកម្ចាត់កូឡេស្តេរ៉ុលអាក្រក់ដូចគ្នាដែរ។ ប្រសិនបើអ្នកបន្ថែមរមៀតទៅក្នុងរបបអាហាររាល់ថ្ងៃ វាអាចជួយការពារបញ្ហាបេះដូង និងកាត់បន្ថយហានិភ័យនៃការស្ទះសរសៃឈាម។

៣.ខ្ទឹមស
អ្នកណាៗក៏ដឹងថា ខ្ទឹមស គឺជាគ្រឿងទេសដែលមិនអាចខ្វះបានសម្រាប់ការចម្អិនម្ហូបដែរ ក៏ប៉ុន្តែនៅមានតួនាទីសំខាន់មួយទៀតដែលមនុស្សភាគច្រើនមិនទាន់ដឹង នោះគឺការកាត់បន្ថយកូឡេស្តេរ៉ុលអាក្រក់ក្នុងរាងកាយ។ ប្រសិនបើអ្នកបញ្ចូលខ្ទឹមស ទៅក្នុងរបបអាហារជាប្រចាំ បញ្ហាស្ទះសរសៃឈាមមិនអាចកើតមានឡើយ។

៤.ផ្លែប៊ឺរ
ផ្លែប៊ឺរ មានផ្ទុកជាតិខ្លាញ់មានសុខភាពល្អ ដែលអាចជួយជំរុញឲ្យរាងកាយមានសមត្ថភាពប្រយុទ្ធប្រឆាំងនឹងកូឡេស្តេរ៉ុលអាក្រក់ ហើយបង្កើនកម្រិតកូឡេស្តេរ៉ុលល្អសម្រាប់រាងកាយជំនួសវិញ។

៥.ផ្លែទទឹម
ផ្លែទទឹម ត្រូវបានគេរកឃើញថា មានអត្ថប្រយាជន៍យ៉ាងច្រើនសម្រាប់សុខភាពទូទៅ ជាពិសេសវាអាចជួយឲ្យលំហូរឈាមរត់បានល្អ និងបំផ្លាញ់រ៉ាល់ឌីកាល់សេរីនៅក្នុងរាងកាយ។

៦.ផ្កាខាត់ណាពណ៌ខៀវ
ផ្កាខាត់ណាពណ៌ខៀវ មានផ្ទុកវីតាមីន K ដែលជាអ្នកការពារបេះដូងដ៏ល្អបំផុត ព្រោះវាអាចទប់ស្កាត់កំណកឈាម បញ្ហារឹងសរសៃឈាម និងកាត់បន្ថយចំនួនកូឡេស្តេរ៉ុលអាក្រក់។

៧.ផ្លែប៉ោម
ផ្លែឈើមួយប្រភេទេនេះ មានផ្ទុកសារធាតុម្យ៉ាងដែលគេហៅថា peptin ។ សារធាតុនេះអាចជួយសម្អាតកូឡេស្តេរ៉ុលក្នុងសរសៃឈាម និងធ្វើឈាមចរាចរបានល្អ។ មិនតែប៉ុណ្ណោះ សារធាតុប៉ូតាស្យូម និងម៉ាញ៉េស្យូមនៅក្នុងផ្លែប៉ោម មានសមត្ថភាពអាចជួយជំរុញឲ្យសម្ពាធឈាមមានស្ថិរភាពល្អ។

ទោះជាយ៉ាងណា ទន្ទឹមនឹងការទទួលទានអាហារទាំងប៉ុន្មាននៅខាងលើនេះ អ្នកក៏គួរតែព្យាយាមហាត់ប្រាណជាប្រចាំ ដើម្បីឲ្យរាងកាយមានសុខភាពល្អ៕

ប្រភព: pinoyhealthguide