ព័ត៌មានសុខភាព

តើមានរឿងអ្វីកើតឡើងចំពោះរាងកាយ ប្រសិនបើអ្នកផឹកទឹកភ្លៀង?

នៅពេលដែលមានភ្លៀងធ្លាក់ម្តងៗ គឺជាឱកាសល្អសម្រាប់ក្មេងដែលចូលចិត្តរត់ប្រលែងគ្នាលេង ក៏ប៉ុន្តែក្នុងនាមអ្នកជាឱពុកម្តាយគួរតែណែនាំកូនកុំឲ្យលេងឲ្យសោះ ព្រោះវាអាចប្រឈមនឹងគ្រោះថ្នាក់។ ជាពិសេស អ្នកត្រូវហាមពួកគេកុំឲ្យផឹកទឹកភ្លៀង ព្រោះវាអាចបណ្តោលឲ្យឆ្លងមេរោគក្រពះ។

អ្នកវិទ្យាសាស្ត្របានបង្ហាញថា ទឹកភ្លៀងមានផ្ទុកសារធាតុពុល ដែលពុំមានសុវត្ថិភាពចំពោះការទទួលទាននោះទេ។ វាអាចមានផ្ទុកពពួកបាក់តេរីផ្សេងៗជាច្រើន ដែលបង្កឲ្យឆ្លងមេរោគក្រពះធ្ងន់ធ្ងរ។ លើសពីនេះទៅទៀត វាក៏មានភាពកខ្វក់នៅលាយឡំជាមួយនឹងលោហធាតុធ្ងន់ដូចជា សំណ និងអាស៊ីតអាសេនិច ដែលត្រូវបានសាយភាយចេញពីរោងចក្រឧស្សាហ៍កម្មនានា។

បើយោងតាមការសិក្សាមួយបានចេញផ្សាយក្នុងកាសែត Environmental Managemen បញ្ជាក់ថា ទឹកភ្លៀងមានផ្ទុកពពួកមេរោគជាច្រើន ដែលមិនល្អសម្រាប់ការទទួលទាននោះឡើយ។ ដូច្នេះហើយ មិនចំពោះតែកូនក្មេងនោះទេ សូម្បីតែមនុស្សធំក៏មិនត្រូវទទួលទានទឹកភ្លៀងដូចគ្នាដែរ៕

ប្រភព: thehealthsite

មតិយោបល់