មនុស្សភាគច្រើនយល់ថា ចេក គ្រាន់តែជាផ្លែឈើមួយប្រភេទដែលគេទុកញ៉ាំគ្រាន់តែកំដរមាត់ក្រោយពេលបាយប៉ុណ្ណោះ តែការគិតបែបនេះខុសហើយ។ បើយោងតាមគេហទំព័រ naturalmedicinebox បានចុះផ្សាយថា ចេក មានផ្ទុកវីតាមីន និងសារធាតុរ៉ែ ដែលរាងកាយត្រូវការជាចាំបាច់។ លើសពីនេះទៅទៀត ចេក ត្រូវបានគេទទួលស្គាល់ថា គឺជាឱសថធម្មជាតិដ៏ល្អបំផុតសម្រាប់ដោះបញ្ហាសុខភាពផ្សេងៗ។

១.កាត់បន្ថយភាពស្ត្រេស
មនុស្សដែលកើតមានបញ្ហាស្ត្រេសរាល់ថ្ងៃ អាចប្រឈមនឹងបញ្ហាសុខភាពច្រើនយ៉ាង ជាពិសេសជំងឺសរសៃប្រសាទ។ ប៉ុន្តែសំណាងល្អចេកសម្បូរទៅដោយជាតិប៉ូតាស្យូម ដែលអាចជួយជួយប្រយុទ្ធប្រឆាំងនឹងភាពស្ត្រេស ហើយធ្វើឲ្យអ្នកមានអារម្មណ៍ល្អឡើងវិញបាន។

២.សម្រកទម្ងន់
ចេកអាចធ្វើឲ្យអ្នកមានអារម្មណ៍ឆ្អែតបានយូរ ទប់ទល់នឹងបញ្ហាថប់អារម្មណ៍ និងកាត់បន្ថយចំណង់អាហារនៅពេលអ្នកទទួលទាន។

ជួយគ្រប់គ្រងសម្ពាធឈាម
ចេក គឺជាប្រភពនៃសារធាតុប៉ូតាស្យូមដ៏សម្បូរបែប ដែលអាចអាចជួយដោះស្រាយបញ្ហាកង្វះឈាម និងព្យាបាលបញ្ហាសម្ពាធឈាមឡើងខ្ពស់។ ការបន្ថែមចេកជាអាហារពេលព្រឹករៀងរាល់ថ្ងៃ អាចដោះស្រាយបញ្ហាទាំងនេះបាន។

បញ្ហារំលាយអាហារ
ជាតិសរសៃ និងសារធាតុចិញ្ចឹមសំខាន់ៗនៅក្នុងផ្លែចេក អាចជួយគ្រប់គ្រងការរំលាយអាហារ និងលាងសម្អាតជាតិពុលផងដែរ។ ជាពិសេសវាអាចជួយបង្កើនការរំលាយអាហារ និងលើសកម្ពស់ដល់ការបណ្តេញជាតិពុលចេញពីបំពងរំលាយអាហារ។ ការរបិភោគចេកមួយផ្លែក្នុងមួយថ្ងៃ អាចជួយដោះស្រាយបញ្ហាទល់លាមក និងធ្វើឲ្យប្រព័ន្ធរំលាយអាហារមានសុខភាពល្អ។

ជួយឲ្យធ្មេញសស្អាត
តើអ្នកដឹងទេថា សំបកចេក អាចជួយឲ្យធ្មេញមានពណ៌សស្អាត? អ្នកគ្រាន់តែជូតសំបកចេកខាងក្នុងនៅលើធ្មេញមួយដងឲ្យបាន ២ទៅ៣នាទី ជារៀងរាល់ថ្ងៃ ធ្មេញរបស់អ្នកនឹងចាប់ផ្តើមសបន្តិចម្តងៗ ក្នុងរយៈពេល២ទៅ៣សប្តាហ៍៕