ទឹកនោមផ្អែម គឺជាជំងឺមួយប្រភេទដែលកំពុងតែកើនឡើងយ៉ាងខ្លាំងនៅទូទាំងពិភពលោក ហើយក្នុងមួយឆ្នាំៗក៏មានមនុស្សស្លាប់រាប់ភ្លេចដែរ។ នេះក៏ដោយសារតែទម្លាប់រស់នៅមិនល្អ បូករួមទាំងការទទួលទានរបបអាហារគ្មានផាសុខភាពទៀតនោះ ធ្វើឲ្យជាតិស្ករក្នុងឈាមកើនឡើងខ្ពស់។ ប្រសិនបើជាតិស្ករក្នុងឈាមកើនឡើងកាន់តែខ្លាំង លំពែងមិនអាចផលិតអាំងស៊ុយលីន ដើម្បីគ្រប់គ្រងជាតិស្ករទាំងនោះបានឡើយ ដូច្នេះអ្នកច្បាស់ជាប្រឈមនឹងជំងឺទឹកនោមផ្អែម ជាពុំខាន។

ប៉ុន្តែសំណាងល្អ បើយោងតាមគេហទំព័រ boldsky បានបង្ហាញថា ជំងឺទឹកនោមផ្អែមអាចការពារបាន ប្រសិនបើអ្នកព្យាបាលទទួលទានរុក្ខជាតិពីរមុខនេះជាប្រចាំ។

ស្លឹកម្រះព្រៅ
ស្លឹកម្រះព្រៅត្រូវបានគេរកឃើញថា មានផ្ទុកជាតិប្រេងដ៏សំខាន់ដែលអាចជួយជំរុញដល់ការផលិតអាំងស៊ុយលីន និងបង្កើនចលនារបស់លំពែងផងដែរ។ ម្យ៉ាងវិញទៀត សារធាតុប្រឆាំងអុកស៊ីតកម្មរបស់វា អាចជួយកាត់បន្ថយគ្រោះថ្នាក់ដោយសារតែរ៉ាឌីកាល់សេរី នៅក្នុងខ្លួនរបស់អ្នកផងដែរ។

ដូច្នេះប្រសិនបើអ្នកចង់ការពារជំងឺទឹកនោមផ្អែម សូមទទួលទានស្លឹកម្រះព្រៅ ២ទៅ៣សន្លឹកជារៀងរាល់ថ្ងៃ ឬកិនស្លឹកម្រះព្រៅពូតយកទឹកឲ្យបានមួយស្លាបព្រា ហើយទទួលទានទាំងពោះទទេរាល់ថ្ងៃ។

ប្រទាលកន្ទុយក្រពើ
ការសិក្សាថ្មីមួយនៅក្នុងប្រទេសជប៉ុនបានរកឃើញពីផលវិជ្ជមានដ៏អស្ចារ្យនៃប្រទាលកន្ទុយក្រពើ ទៅលើអ្នកជំងឺទឹកនោមផ្អែម។ ព្រោះប្រទាលកន្ទុយក្រពើ មានផ្ទុកសារធាតុ phytosterol ដែលទប់ស្កាត់ភាពមិនប្រក្រតីនៃការផលិតអាំងស៊ុយលីន និងកាត់បន្ថយជាតិស្ករនៅក្នុងឈាម។ មិនតែប៉ុណ្ណោះវាអាចជួយលើកម្ពស់ក្នុងការព្យាបាលជំងឺទឹកនោមផ្អែមឲ្យឆាប់ជាសះស្បើយឡើងវិញ។

ដើម្បីការពារកុំឲ្យកើតមានជំងឺទឹកនោមផ្អែម អ្នកគ្រាន់តែបកយកសាច់ប្រទាលកន្ទុយក្រពើមកកិន ហើយពូតយកទឹកឲ្យបានមួយពែង​សម្រាប់ទទួលទានរាល់ថ្ងៃ។

ទន្ទឹមនឹងការទទួលទានរុក្ខជាតិទាំងពីរមុខដូចខាងលើនេះ អ្នកក៏គួរតែព្យាយាមទទួលទានអាហារដែលមានផាសុខភាព និងធ្វើលំហាត់ប្រាណជាប្រចាំផងដែរ៕