ទឹកឃ្មុំ ត្រូវបានគេចាត់ទុកជាឱសថធម្មជាតិដ៏វិសេសវិសាលបំផុតសម្រាប់ជំនួយដល់សុខភាព ក៏ដូចជាព្យាបាលជំងឺរាប់មុខ។ បើយោងតាមគេហទំព័រ Brightside បានបង្ហាញថា ទឹកឃ្មុំលាយជាមួយនឹងខ្ទឹមស អាចជួយបង្កើនប្រព័ន្ធភាពស៊ាំឲ្យកាន់តែមានភាពរឹងមាំ និងអាចព្យាបាលជំងឺល្អប្រសើរជាងការប្រើប្រាស់ថ្នាំទៅទៀត។ ជាពិសេសវាអាចដោះស្រាយបញ្ហាដូចជា៖
១.ថែរក្សាស្បែកឲ្យស្រស់ស្អាត ហើយមានសុខភាពល្អ។
២.ជួយសម្រកទម្ងន់។
៣.កាត់បន្ថយកូឡេស្តេរ៉ុល។
៤.ថែរក្សាបេះដូងឲ្យមានសុខភាពល្អ។
៥.បង្កើនដល់ការចង់ចាំបានល្អ។
៦.ជួយឲ្យអ្នកគេងលក់ស្រួល។
៧.ថែរក្សាក្រពះឲ្យមានសុខភាពល្អ។

របៀបបង្កើតភេសជ្ជៈដែលផ្សំពីទឹកឃ្មុំ៖

• ទឹកឃ្មុំមួយពែង
• ខ្ទឹមស ៣ទៅ៤កំពឹស(បកសំបកចេញ រួចហាន់ជាចំណិតស្តើងៗ)
• ក្រឡកែវមួយ

របៀបអនុវត្ត៖
១.យកទឹកឃ្មុំ នឹងខ្ទឹមស ដាក់ចូលទៅក្នុងក្រឡកែវទាំងអស់។
២.បន្ទាប់មកបិទគម្រប់ឲ្យជិត និងរក្សាទុករយៈពេលពីរទៅបីថ្ងៃ។
៣.មួយថ្ងៃទទួលទានមួយស្លាបព្រាបាយទាំងពោះទទេ។

ទាំងអស់នេះហើយ គឺជាអត្ថប្រយោជន៍គ្មានគូប្រៀប បន្ទាប់ពីការទទួលទានភេសជ្ជៈទឹកឃ្មុំរាល់ថ្ងៃ៕