ទឹកដោះម្តាយ គឺជាអាហារដ៏មានសុវត្ថិភាពបំផុតចំពោះទារក ហើយផ្តល់នូវសារធាតុចិញ្ចឹមសំខាន់ៗជាច្រើន។ វាត្រូវបានគេជឿថា ទឹកដោះម្តាយអាចពង្រឹងប្រព័ន្ធភាពស៊ាំការពាររាងកាយរបស់ទារកប្រយុទ្ធប្រឆាំងនឹងការជំងឺផ្សេងៗពេញមួយជីវិត។ ក៏ប៉ុន្តែក្រោយពេលសម្រាលកូនហើយ ស្ត្រីគ្រប់រូបមិនប្រាដកថាមានទឹកដោះឲ្យកូនបៅគ្រប់គ្រាន់ដូចៗគ្នានោះទេ ហើយមានអ្នកខ្លះគ្មានទឹកដោះឲ្យកូនបៅក៏មានដែរ។ ដូច្នេះហើយ ថ្ងៃនេះ Post Health សូមធ្វើការបង្ហាញពីអាហារ ៥ប្រភេទដែលអាចជួយបង្កើនទឹកដោះឲ្យកាន់តែច្រើនឡើងក្នុងអំឡុងពេលបំបៅដោះកូន។

ដំឡូងជ្វា
ដំឡូងជ្វា គឺជាអាហារដែលល្អបំផុតសម្រាប់អ្នកម្តាយដែលបំបោះដោះកូន ព្រោះវាមានផ្ទុក បេតាការ៉ូទីនកម្រិតខ្ពស់។ សារធាតុបេតាការ៉ូទីន នេះហើយមានតួនាទីយ៉ាងសំខាន់ក្នុងការបង្កើនទឹកដោះ ហេតុនេះអ្នកម្តាយគ្រប់រូបគួរតែឧស្សាហ៍ទទួលទាន។

ល្ហុងខ្ចី
ចំពោះស្ត្រីសម្រាលកូនដែលចូលចិត្តទទួលទានល្ហុងស្ងោរ ពិតជាសំណាងល្អណាស់ ព្រោះវាអាចជួយបង្កើនទឹកដោះកាន់តែច្រើន មិនដូចជាល្ហុងទុំនោះទេ។

ស៊ុត
ស៊ុត គឺជាប្រភពនៃអាស៊ីតខ្លាញ់អូមេហ្គា-៣ វីតាមីន A កាល់ស្យូម និងសារធាតុចិញ្ចឹមផ្សេងៗជាច្រើនទៀត ដែលស្ត្រីគ្រប់រូបត្រូវការក្នុងពេលបំបៅដោះ។ ស៊ុត មានតួនាទីជួយបង្កើនគុណភាពទឹកដោះ ឲ្យបបូរសម្រាប់ទារក ដូច្នេះអ្នកគួរតែទទួលទានស៊ុតស្ងោរមួយថ្ងៃ មួយទៅពីរគ្រាប់។

ស្លឹកម្រុំ
គុណសម្បត្តិដ៏ធំបំផុតនៃការស្លឹកម្រុំ ចំពោះអ្នកម្តាយកំពុងតែបំបៅដោះកូន គឺជួយរំញោចក្រពេញទឹកដោះ។ ជាពិសេស ជាតិដែក និងកាល់ស្យូម របស់វាអាចជួយប្រយុទ្ធប្រឆាំងនឹងកង្វះអាហារូបត្ថម្ភចំពោះទារកផងដែរ។

អង្ករសំរូប
ការសិក្សាស្រាវជ្រាវមួយបានរកឃើញថា អង្ករសំរូប គឺជាអាហារដែលជួយរំញោចអ័រម៉ូន ធ្វើឲ្យទឹកដោះរបស់អ្នកម្តាយកាន់តែសម្បូរ។ លើសពីនេះទៅទៀត ការទទួលទានអង្ករសំរូប អាចជួយរក្សាកម្រិតជាតិស្ករក្នុងឈាម និងជួយបង្កើនចំណង់អាហារថែមទៀត៕

ប្រភព៖ boldsky