តើអ្នកកំពុងតែមានបញ្ហាទល់លាមក បន្ទោរបង់មិនចង់ចេញមែនទេ? ការទល់លាមកមិនមែនជារឿងល្អសម្រាប់សុខភាពនោះទេ ព្រោះវាអាចបង្កឲ្យប៉ះពាល់ដល់ពោះវៀនធំ ហើយបើបណ្តោយយូរ អាចកើតជំងឺឬសដូងបាត ថែមទៀត។ ដូច្នេះហើយ ប្រសិនបើអ្នកមានបញ្ហាទល់លាមករ៉ាំរ៉ៃ ឬបញ្ហាផ្សេងៗចំពោះវៀនធំ គួរតែប្រញាប់ដោះស្រាយជាបន្ទាន់។

បើយោងតាមគេហទំព័រ soha បានចុះផ្សាយថា បញ្ហាទល់លាមកអាចដោះស្រាយបានភ្លាមៗ ដោយប្រើប្រាស់ធាតុផ្សំនៅក្នុងផ្ទះបាយតែ២មុខប៉ុណ្ណោះ។ លើសពីនេះទៅទៀត វាអាចកម្ចាត់កាកសំណល់ពុល ព្រមទាំងជួយឲ្យពោះវៀនធំមានសុខភាពល្អថែមទៀត។

ធាតុផ្សំ:

• ម្សៅម្ទេសកន្លះស្លាបព្រាកាហ្វេ
• ទឹកក្រូចឆ្មារស្រស់ ៤ស្លាបព្រាកាហ្វេ
• ទឹកក្តៅឧណ្ឌៗ ៣០០មីលីត្រី

របៀបប្រើប្រាស់:
១.ជំហ៊ានដំបូង អ្នកត្រូវលាយធាតុផ្សំទាំងអស់នេះបញ្ចូលគ្នា ហើយកូរឲ្យរលាយ។
២.ប្រសិនបើអ្នកចង់បង្កើនរសជាតិ សូមបន្ថែមទឹកឃ្មុំ១ស្លាបព្រាកាហ្វេ។
៣.សូមទទួលទាននៅពេលដែលអ្នកមានអារម្មណ៍ឃ្លានម្តងទាំងអស់។

ប្រសិនបើអ្នកមានបញ្ហាទល់លាមករ៉ាំរ៉ៃ យ៉ាងហោចណាស់ក្នុងរយ:ពេលមួយខែត្រូវអនុវត្តឲ្យបាន៥ដង។ ព្រោះម្សៅម្ទេសអាចជួយសម្អាតពោះវៀនធំ កម្ចាត់ទឹករំអិលដែលលើសក្នុងពោះវៀន ខណ:ដែលទឹកក្រូចឆ្មារ អាចជួយបំបាត់ជាតិពុលចេញពីពោះវៀនយ៉ាងមានប្រសិទ្ធភាព។ ម្យ៉ាងវិញទៀត ប្រសិនបើអ្នកមានអារម្មណ៍ថា ក្រហាយក្តៅក្នុងពោះ សូមទទួលទានទឹកឃ្មុំមួយស្លាបព្រាកាហ្វេទៀត ដើម្បីសម្រួលដល់ក្រពះ៕