តើអ្នកមានធ្លាប់គិតទេ ការដើរជើងទទេ គឺជាទម្លាប់ដ៏ល្អសម្រាប់សុខភាព? មនុស្សភាគច្រើនយល់ថា ការដើរជើងទទេ អាចបណ្តោលឲ្យត្រូវរបួស ឬងាយនឹងឆ្លងមេរោគ។ ក៏ប៉ុន្តែអ្នកវិទ្យាសាស្ត្របានបង្ហាញថា ប្រសិនបើអ្នកមានការប្រុងប្រយ័ត្ន មេរោគមិនអាចឆ្លងនោះទេ ហើយថែមទាំងអាចផ្តល់អត្ថប្រយោជន៍មួយចំនួនចំពោះសុខភាពថែមទៀត។

អាចព្យាបាលបញ្ហាគេងមិនលក់
អ្នកវិទ្យាសាស្ត្របានបង្ហាញថា ការដើរដោយជើងទទេ ជាពិសេសនៅលើស្មៅ អាចធ្វើឲ្យអ្នកមានអារម្មណ៍ស្ងប់ស្ងាត់។ នេះជាមូលហេតុ ដែលធ្វើឲ្យអ្នកមានសុខភាពល្អ ហើយថែមទាំងអាចព្យាបាលបញ្ហាគេងមិនលក់ផងដែរ។

ជួយឲ្យឈាមរត់បានល្អ
ការដើរដោយជើងទទេ អាចធ្វើឲ្យប្រព័ន្ធសរសៃប្រសាទមានភាពស្ងប់ស្ងាត់ និងឈាមរត់បានល្អ ជាពិសេសសម្រាប់អ្នកដែលមានបញ្ហាសរសៃវ៉ែន ឬជំងឺទឹកនោមផ្អែម ព្រោះមនុស្សទាំងនេះកំពុងតែមានសរសៃឈាមទន់ខ្សោយ។

នៅពេលដែលជើងរបស់យើងមានទំនាក់ទំនងផ្ទាល់ជាមួយនឹងផែនដី វាអាចជួយរំញោចដល់ការតភ្ជាប់សរសៃប្រសាទ ដែលអនុញ្ញាតឲ្យរាងកាយមានតុល្យភាព ជាពិសេសមនុស្សវ័យចំណាស់។

ពង្រឹងប្រព័ន្ធភាពស៊ាំ
ការដើរជើងទទេ អាចធ្វើឲ្យប្រសើរឡើងនូវគុណភាព និងបរិមាណនៃកោសិកាឈាមក្រហម ដែលមានសារ:សំខាន់បំផុតក្នុងការរក្សាប្រព័ន្ធភាពស៊ាំ ឲ្យកាន់តែរឹងមាំ។

បង្កើនថាមពល
អត្ថប្រយោជន៍ដ៏សំខាន់មួយទៀតនៃការដើរជើងទទេ ជាន់ផ្ទាល់នឹងផែនដី គឺអាចជួយបង្កើនថាមពលនៅក្នុងរាងកាយ។ ដូច្នេះ ការដើរជើងទទេ ត្រូវបានគេចាត់ទុកជាទម្លាប់ ដែលល្អបំផុតសម្រាប់សុខភាព។

ក៏ប៉ុន្តែ ក្រោយពេលដើរជើងទទេ អ្នកកុំភ្លេចលាងសម្អាតជើងឲ្យបានត្រឹមត្រូវផង ព្រោះនៅលើដីមានផ្ទុកមេរោគជាច្រើនដែលយើងមើលមិនឃើញឡើយ ហើយវាអាចប្រសិនបើអ្នកមិនបានធ្វើអនាម័យ៕

ដកស្រង់ពី៖ soha