ជារឿយៗ ក្រុមវេជ្ជបណ្ឌិតបានណែនាំឲ្យយើងគ្រប់គ្នាញ៉ាំទឹកក្តៅឧណ្ឌៗមួយកែវនៅពេលក្រោកពីគេង ដើម្បីឲ្យមានសុខភាពល្អ។ ទម្លាប់បែបនេះ ត្រូវបានអ្នកជំនាញទទួលស្គាល់ថា អាចជួយសម្អាតជាតិពុល ឬកាកសំណល់ផ្សេងៗនៅក្នុងរាងកាយ ហើយជួយឲ្យសរីរាង្គខាងក្នុងជៀសផុតពីជំងឺមួយចំនួន។

ក៏ប៉ុន្តែ ហាមដាច់ខាតកុំទទួលទានទឹកកក នៅពេលភ្ញាក់ពីគេងឲ្យសោះ ព្រោះវាមិនត្រឹមតែមិនអាចសម្អាតជាតិពុលចេញពីរាងកាយប៉ុណ្ណោះទេ ថែមទាំងធ្វើឲ្យគ្រោះថ្នាក់ដល់រាងកាយថែមទៀត។

ការទទួលទានទឹកកក ឬទឹកត្រជាក់ នៅពេលព្រឹកអាចបណ្តោលឲ្យប៉ះពាល់ដល់ការរំលាយអាហារ កាត់បន្ថយចលនាពោះវៀន បណ្តោលឲ្យឈឺចាប់ក្នុងពោះ ឈឺក្រពះ ឬរាករូសថែមទៀត។

ជាពិសេស ប្រសិនបើអ្នកផឹកទឹកកក ជាមួយនឹងភេសជ្ជ:ផ្អែមៗ នៅពេលព្រឹកព្រលឹមអាចនាំឲ្យមានបញ្ហាឈឺក្រពះ។

ម្យ៉ាងវិញទៀត នៅពេលដែលទឹកកក ចូលទៅដល់ក្នុងពោះវាបណ្តោលឲ្យរាំងស្ទះសរសៃឈាម សរសៃឈាមរួញខ្លី ការផ្គត់ផ្គង់ឈាមត្រូវកាត់បន្ថយ កើតជំងឺផ្តាសាយ ក្អក ឈឺបំពង់ក សំលេងស្អក រលាកបំពង់ក និងទងសួតផងដែរ។

ទឹកកក អាចជះឥទ្ធិពលទៅដល់មុខងារសរីរាង្គដទៃទៀត ដូចជាប្រព័ន្ធបន្តពូជ ជាពិសេសអំឡុងពេលមករដូវ អាចបណ្តោលឲ្យឈាមកកនៅតាមជញ្ជាំងនៃដៃស្បូន ឬមានការឈឺចាប់ខ្លាំង។ ទម្លាប់បែបនេះរយ:ពេលយូរ គ្រោះថ្នាក់ដល់ស្បូន ដែលអាចបង្កឲ្យគ្មានកូន។

ចំពោះបុរស ដែលផឹកទឹកកក អាចប៉ះពាល់ដល់ការវិវត្តនៃមេជីវិតឈ្មោល និងជួបញ្ហាសុខភាពជាច្រើនទៀត។ ដូច្នេះ សូមជៀសវាងទទួលទានទឹកកក នៅពេលព្រឹក បើទោះបីជាអ្នកមានសុខភាពល្អយ៉ាងណាក៏ដោយ៕

ដកស្រង់ពី៖ soha