Post News Media ព័ត៌មានសុខភាព បរិភោគសាច់ក្រ...

បរិភោគសាច់ក្រហមច្រើនពេកប្រឈមនឹងការកើតជំងឺ ៥ប្រភេទ

បរទេស: សាច់ក្រហមគឺជាអាហារដ៏ល្អ ប៉ុន្តែការបរិភោគច្រើនពេកអាចបង្កគ្រោះថ្នាក់ធ្ងន់ធ្ងរដល់សុខភាពទៅវិញ នេះបើយោងតាមការព្រមានរបស់អង្កការពិភពលោក WHO។ ជាពិសេសចំពោះការបរិភោគសាច់ក្រក និងសាច់បីជាន់ បង្កឲ្យមានហានិភ័យខ្លាំងបំផុតសម្រាប់សុខភាពមនុស្ស។

១. ជំងឺមហារីកពោះវៀនធំ

អង្កការសុខភាពពិភពលោក Who បានចាត់ទុកសាច់ក្រហមជាប់ចំណាត់ថ្នាក់លេខមួយ ដែលបង្កឲ្យកើតជំងឺមហារីក ព្រោះវាសម្បូរទៅដោយសារធាតុ nitrates និង nirit ដែលទាក់ទងផ្ទាល់ជាមួយនឹងជំងឺមហារីក។

ការបរិភោគសាច់ជ្រូចបីជាន់ ៥ ដុំក្នុងមួយថ្ងៃ បង្កើនហានិភ័យនៃការកើតជំងឺមហារីកពោះវៀនធំ និងរន្ធគូថដល់ទៅ ១៨ %។

ដូច្នេះដើម្បីកាត់បន្ថយហានិភ័យនៃជំងឺមហារីក អ្នករួមផ្សំបន្លែដែលមានផ្ទុកសារធាតុប្រឆាំងអុកស៊ីតកម្មដូចជា៖ ប៉េងបោះ ឬខ្ទឹមស… ហើយសាច់ក្រហមគួរតែចម្អិនក្នុងសីតុណ្ហភាពទាប។

២. ជំងឺបេះដូង

តើអ្នកដឹងទេ ជាតិខ្លាញ់ និងកូឡេស្តេរ៉ុលក្នុងសាច់ក្រហមអាចនាំឲ្យខូចបេះដូង?ជាមួយគ្នានេះផងដែរ សារធាតុអំបិលនៅក្នុងសាច់ក្រហមក៏ជាមូលហេតុដ៏សំខាន់បង្កឲ្យសម្ពាធឈាមឡើងខ្ពស់, កើតជំងឺបេះដូង និងគាំងបេះដូង។

៣. ជំងឺដាច់សសៃឈាមខួរក្បាល

បញ្ហាសសៃឈាមខួរក្បាល (Stroke) អាចបណ្តោលមកពីកត្តាជាច្រើនស្រដៀងគ្នាទៅនឹងជំងឺបេះដូងដែរ នេះដោយសារតែសារធាតុអំបិល nitrate និង nitrite នៅក្នុងសាច់ក្រហមគឺជាហានិភ័យដ៏ធំ។

ការសិក្សាមួយបានរកឃើញថា ការបរិភោគសាច់ក្រហមក្នុងមួយថ្ងៃអាចបង្កើនហានិភ័យនៃជំងឺដាច់សសៃឈាមខួរក្បាលពី ១៣-១៥ ភាគរយ។

៤. ជំងឺទឹកនោមផ្អែម

ដុំសាច់ក្រហមដែលអ្នករាល់គ្នាបរិភោគ អាចបង្កើនហានិភ័យនៃជំងឺទឹកនោមផ្អែមប្រភេទទី២ ឡើងដល់ ៩-១៨ភាគរយ។ សារធាតុបង្កជំងឺមហារីកមួយចំនួនត្រូវបានបង្កើតឡើងនៅពេលដែលសាច់ត្រូវបានចម្អិន អាចប៉ះពាល់ដល់កោសិកាលំពែង និងអាំងស៊ុយលីន។

ដូចគ្នានេះផងដែរការបរិភោគសាច់ច្រើនអាចធ្វើឲ្យអ្នកឡើងទម្ងន់ បង្កើនហានិភ័យនៃជំងឺទឹកនោមផ្អែម។

៥. កាត់បន្ថយអាយុ

ក្រៅពីផលប៉ះពាល់ដែលបានបង្ហាញជូនខាងលើ ការបរិភោគសាច់ក្រហមច្រើនពេកអាចកាត់បន្ថយអាយុ។ ការបរិភោគសាច់ក្រហមច្រើនអាចកើនឡើងហានិភ័យនៃការស្លាប់មុនអាយុរហូតដល់ទៅ ១៣ភាគរយ។

តើធ្វើយ៉ាងម៉េចដើម្បីកាត់បន្ថយហានិភ័យទាំងនេះ?

  • ជ្រើសរើសសាច់គ្មានខ្លាញ់ (សាច់សុទ្ធ)
  • កុំបរិភោគសាច់ក្រហមច្រើនជាង ០,៣ គីឡូក្រាមក្នុងមួយសប្តាហ៍។
  • សម្រាប់សាច់កែច្នៃអ្នកគួរមើលផលិតផលដែលគ្មានសារធាតុ nitrates នោះ nittrit ។
  • ពេលចម្អិនសាច់ក្រហមត្រូវប្រើសីតុណ្ហាភាពក្នុងកម្រិតទាប។
  • បរិភោគអាហារដែលសម្បូរជាតិសសៃដើម្បីសម្អាតសារធាតុ nitrates និង nittrit ក្នុងពោះវៀន កុំឲ្យសារធាតុទាំងនោះនៅផ្ទុកយូរពេលបង្កឲ្យប៉ះពាល់ដល់កោសិការ៕

thitdo

Loading...