ដើម្បីថែរក្សាសុខភាព និងប្រមូលផ្តុំកម្លាំងត្រលប់មកវិញក្រោយពេលបំពេញកិច្ចការអស់ពេញមួយថ្ងៃ មនុស្សគ្រប់រូបត្រូវពេលវេលាសម្រាក និងគេងឲ្យបានគ្រប់គ្រាន់។ ការគេង និងសម្រាកបានត្រឹមត្រូវអាចជួយរក្សាសុខភាពបេះដូង និងគេចផុតពីជំងឺរ៉ាំរ៉ៃ។
ដូច្នេះត្រូវចាំថា គ្រប់យ៉ាងឲ្យតែជាការគេង សូម្បីតែនៅពេលដែលអ្នកគេងមើលកុន និងគេងលើសាឡុង។
- ក្មេងទើបនឹងកើតអាយុពី ០-៣ ខែ ត្រូវការគេងពី ១៤-១៧ ម៉ោង, នៅម៉ោង ២ ភ្លឺត្រូវបំបៅដោះ។
- ក្មេងពីអាយុ ៤-១១ ខែ ត្រូវគេងឲ្យបានពី ១២-១៥ម៉ោង
- ក្មេងអាយុ ១-២ឆ្នាំ ត្រូវការគេងឲ្យបានពី ១១-១៤ម៉ោង
- ក្មេងអាយុពី ៣-៥ឆ្នាំ ត្រូវការគេងពី ១០-១៣ ម៉ោង
- ក្មេងអាយុពី ៦-១២ឆ្នាំ ត្រូវការគេងពី ៩-១១ម៉ោង
- មនុស្សវ័យជំទង់ពី ១៣-១៧ឆ្នាំ ត្រូវគេងឲ្យបានពី ៨-១០ម៉ោង
អ្នកដែលមិនបានគេងគ្រប់គ្រាន់នឹងធ្វើឲ្យពួកគេចង់ចំណាយពេលគេងនៅថ្ងៃចុងសប្តាហ៏។
- មនុស្សពេញវ័យអាយុពី ១៨-២៥ឆ្នាំ ត្រូវគេងឲ្យបានពី ៧-៩ម៉ោង
- មនុស្សវ័យពី ២៦-៦៤ឆ្នាំ ត្រូវការគេងពី ៧-៩ម៉ោង
- មនុស្សចាស់អាយុពី ៦៥ឆ្នាំឡើងត្រូវគេងឲ្យបានពី ៧-៨ម៉ោង
រោគសញ្ញារបស់អ្នកគេងមិនបានគ្រប់គ្រាន់៖
- មិនចង់ធ្វើសកម្មនៅពេលថ្ងៃ
- ឡើងទម្ងន់
- ត្រូវការជាតិកាហ្វេអ៊ីនពេញមួយថ្ងៃ
- ងងុយគេងពេលកំពុងធ្វើការ
ដំណាក់កាលនៃការគេង
- ការចងចាំពេលយល់សប្តិ៖ ប្រសិនបើអ្នកក្រោកពីគេង ហើយចងចាំរាល់ការយល់សប្តិរបស់អ្នក មានន័យថា នេះជាមូលហេតុធ្វើឲ្យអ្នកនៅតែអស់កម្លាំង។
- មនុស្សគ្រប់រូបសុទ្ធតែជួបនឹងការយល់សប្តិ ប៉ុន្តែប្រសិនបើអ្នកគេងបានគ្រប់គ្រាន់ក្នុងដំណាក់កាលនេះ អ្នកអាចនឹងគេងមិនបានគ្រប់គ្រាន់។
- ដំណាក់កាលទី ១៖ គេងថ្ងៃបានបន្តិច ទទួលបានថាមពលតិចតួចពីការគេងថ្ងៃ ប៉ុន្តែវាមិនដូចជាការគេងយប់ឡើយ។
- ដំណាក់កាលទី ២៖ គេងបាន ៨ម៉ោង ទទួលថាមពលបានល្អ នេះជាចំនួនម៉ោងនៃការគេងឲ្យបានត្រឹមត្រូវ។
- ដំណាក់កាលទី ៣៖ គេងយូរ ការគេងបែបនេះជារឿងមួយមិនល្អឡើយ។ មនុស្សចាស់អាយុ ៦៥ឡើងអាចជួបនឹងដំណាក់កាលនៃការគេងនេះ។
ការគេងមិនត្រឹមតែមានសារៈសំខាន់ចំពោះសុខភាពប៉ុណ្ណោះទេ ប៉ុន្តែគ្រប់យ៉ាងវាអាស្រ័យលើភេទផងដែរ។ ជាទូទៅ មនុស្សប្រុសច្រើនជួបនឹងបញ្ហាការគេងខុសប្រក្រតីដូចជា គេងពិបាកដកដង្ហើម និងឈឺជើងនៅពេលចាស់ ប៉ុន្តែមនុស្សស្រីវិញអាចជួបនឹងបញ្ហាការមានផ្ទៃពោះ និងរាំងរដូវ។ ប្រសិនបើអ្នកជួបនឹងបញ្ហាគេងខុសប្រក្រតីណាមួយ អ្នកគួរតែទៅជួបនឹងអ្នកជំនាញផ្នែកថែរក្សាសុខភាពភ្លាម។
វិធីរៀបចំឲ្យគេងលក់ស្រួលនៅពេលយប់
- សកម្មភាពមុនពេលចូលគេងដូចជា ងូតទឹកក្តៅ ឬអានសៀវភៅ
- ធ្វើលំហាត់ប្រាណជាប្រចាំ
- អ្នកមានពូក និងខ្នើយដែលផ្តល់ផាសុខភាព
- បិទទូរទស្សន៏
- ចៀសវាងពីការទទួលទានជាតិកាហ្វេអ៊ីន និងជាតិស្រវឹងមុនពេលចូលគេង៕
មតិយោបល់