ព័ត៌មានសុខភាព

នេះជាហេតុផល ដែលអ្នកគួរតែទទួលទានស្វាយរាល់ថ្ងៃ

បរទេស: ស្វាយមិនត្រឹមតែជាផ្លែឈើដ៏ឆ្ងាញ់ពិសាសម្រាប់មនុស្សភាគច្រើននោះទេ វាថែមទាំងផ្តល់អត្ថប្រយោជន៍មិនគួរឲ្យជឿ ទាំងសុខភាព និងសម្រស់។ ព្រោះស្វាយសម្បូរទៅដោយវីតាមីន និងសារធាតុសំខាន់ៗដែលរាងកាយត្រូវការជាចាំបាច់។ ដូច្នេះហើយ អ្នកគួរតែទទួលទានស្វាយរាល់ថ្ងៃ ដើម្បីទទួលបានគុណប្រយោជន៍ទាំងអស់នោះ។

១. ប្រឆាំងជំងឺមហារីក និងបញ្ចុះកូឡេស្តេរ៉ុល

ស្វាយសម្បូរទៅដោយសារធាតុប្រឆាំងនឹងអុកស៊ីតកម្ម ដែលអាចការពារពីជំងឺមហារីកពោះវៀនធំ, សុដន់, មហារីកឈាម និងក្រពេញប្រូស្តាត។ ស្វាយមានផ្ទុកវីតាមីន C, សារជាតិ Pectin និងសរសៃ ដែលអាចជួយបន្ថយកម្រិតកូឡេស្តេរ៉ុលផងដែរ។ មិនតែប៉ុណ្ណោះស្វាយជាប្រភពនៃប៉ូតាស្យូម ដែលមានសារ:សំខាន់ក្នុងការរក្សាលំហូរឈាម, ការពារជំងឺសរសៃឈាមបេះដូង និងរក្សាសម្ពាធឈាម។

២. ថែរក្សាស្បែក សក់ ក្រចក…
អ្នកគ្រាន់តែចិតស្វាយទុំជាសំណិតស្តើងៗ រួចបិទនៅលើផ្ទៃមុខចំនួន ១៥នាទី ទើបលាងជម្រះចេញ វានឹងជួយឲ្យផ្ទៃមុខស្រស់ស្អាត ហើយមិនប្រកាន់ស្បែកឡើយ។
ស្វាយសម្បូរទៅដោយអាស៊ីត ហ្វូលិក ដែលល្អសម្រាប់ស្បែក, សក់ និងក្រចកផងដែរ ប្រសិនបើអ្នកទទួលទានរាល់ថ្ងៃ។

៣. ថែរក្សាភ្នែក

ទទួលទានស្វាយក្រឡុកមួយពែង អាចទទួលបានវីតាមីន A ចំនួន ២៥ភាគរយ ដែលរាងកាយត្រូវការរាល់ថ្ងៃ ដើម្បីជួយការពារបញ្ហាភ្នែក និងជួយឲ្យភ្នែកមើលឃើញកាន់តែច្បាស់។

៤. ជំនួយដល់ការរំលាយអាហារ
ផ្លែស្វាយមានផ្ទុកជាតិសរសៃ និងអង់ស៊ីមសម្រាប់បំបែកប្រូតេអ៊ីន ដែលអាចជំនួយដល់ការរំលាយអាហារ។

៥. បណ្តេញជាតិពុល
ស្វាយមានផ្ទុកជាតិទឹក នឹងស្ករ ដែលអាចជួយកាត់បន្ថយការស្រេចទឹក ព្រមទាំងអស់កម្លាំង។ លើសពីនេះទៅទៀត វាអាចជួយបណ្តេញជាតិពុលចេញពីតម្រងនោមយ៉ាងមានប្រសិទ្ធិភាព៕

eat-mengoos

មតិយោបល់