Post News Media ព័ត៌មានជាតិ ពលរដ្ឋអាចទៅប្...

ពលរដ្ឋអាចទៅប្ដូរ និងពន្យាប័ណ្ណបើកបរនៅផ្សារទំនើបអ៊ីអន ចាប់ពីថ្ងៃទី១៥ មិថុនា

ភ្នំពេញ: នៅទីបំផុតមជ្ឈមណ្ឌលប្តូរ និងពន្យារបណ្ណបើកបរ នៅផ្សារទំនើបអ៊ីអន ត្រូវបានក្រសួងសាធារណការ និងដឹកជញ្ជូន សម្រេចដាក់ឲ្យប្រើប្រាស់ជាផ្លូវការហើយចាប់ពីថ្ងៃទី១៥ ខែមិថុនា ឆ្នាំ២០១៦ខាងមុខនេះ ដើម្បីបម្រើ និងផ្ដល់សេវាសាធារណ:របស់ក្រសួងជូនប្រជាពលរដ្ឋឲ្យកាន់តែប្រសើរឡើងប្រកបដោយតម្លាភាព ចំណេញពេលវេលា និងកាត់បន្ថយការចំណាយ ចំពោះសេវាប្តូរ និងពន្យារប័ណ្ណបើកបរ។

ការសម្រេចដាក់សម្ពោធឲ្យប្រើប្រាស់មជ្ឈមណ្ឌលប្ដូរ និងពន្យាប័ណ្ណបើកបរថ្មីនេះ បានធ្វើឡើងនៅក្នុងកិច្ចប្រជុំប្រចាំសប្ដាហ៍ជាមួយនឹងមន្ត្រីជាន់ខ្ពស់មកពីក្រសួងសាធារណការ និងដឹកជញ្ជូន ក្រោមអធិបតីភាពលោកទេសរដ្ឋមន្ត្រី ស៊ុន ចាន់ថុល កាលពីព្រឹកថ្ងៃទី៨ ខែមិថុនានេះ នៅទីស្ដីការក្រសួង។

ហ្វេសប៊ុកក្រសួងសាធារណការ ចេញផ្សាយមុននេះប៉ុន្មាននាទី បានឲ្យដឹងថា លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានប្រកាសកំណត់យកថ្ងៃទី១៥ ខែមិថុនា ឆ្នាំ២០១៦ ជាកាលបរិច្ឆេទសម្រាប់ពិធីសម្ភោធដាក់ឲ្យប្រើប្រាស់មណ្ឌលប្តូរ និងពន្យារបណ្ណបើកបរ នៅផ្សារទំនើបអ៊ីអន។ មជ្ឈមណ្ឌលនេះ ត្រូវបានបង្កើតឡើង ដើម្បីធ្វើឲ្យប្រសើរឡើងនូវតម្លាភាព ចំណេញពេលវេលា និងកាត់បន្ថយការចំណាយ ចំពោះសេវាប្តូរ និងពន្យារប័ណ្ណបើកបរ។

ក្នុងកិច្ចប្រជុំនាព្រឹកមិញនេះដែរ ប្រធានបទសំខាន់ៗ ដែលបានពិភាក្សាក្នុងកិច្ចប្រជុំនោះ រួមមាន សេចក្តីប្រកាសមន្ត្រីជាន់ខ្ពស់ ទើបទទួលការតែងតាំងថ្មី ដែលជាផ្នែកមួយនៃផែនការរៀបចំរចនាសម្ព័ន្ធអង្គការលេខឡើងវិញ របស់លោកទេសរដ្ឋមន្ត្រី បញ្ហាប្រឈម និងការព្រួយបារម្ភអំពីដីចំណីផ្លូវ ផែនការ និងយុទ្ធសាស្ត្រថែទាំផ្លូវថ្នល់ ការដាក់ឲ្យប្រើប្រាស់ជាផ្លូវការមណ្ឌលប្តូរ និងពន្យារបណ្ណបើកបរនៅផ្សារទំនើបអ៊ីអន និងយន្តការត្រៀមរៀបចំប្រឡងចូលក្របខ័ណ្ឌមន្ត្រីរាជការក្រសួង។ បញ្ហាអាទិភាពទាំងឡាយដែលបានលើកមកពិភាក្សានេះ ពាក់ព័ន្ធទៅនឹង “ផែនការ១០០ថ្ងៃ” ដែលត្រូវបានរៀបចំឡើង ដើម្បីធ្វើឲ្យប្រសើរឡើងដល់ការផ្តល់សេវាជូនប្រជាពលរដ្ឋពាក់ព័ន្ធទៅនឹងវិស័យដឹកជញ្ជូន។

កិច្ចប្រជុំនេះ ក៏បានពិភាក្សាផងដែរ អំពីការត្រៀមរៀបចំការប្រឡងចូលមន្ត្រីរាជការក្របខណ្ឌក្រសួងសាធារណការ និងដឹកជញ្ជូន។

លោកទេសរដ្ឋមន្ត្រី បានគូសបញ្ជាក់ពីសារ:សំខាន់ នៃការធ្វើឲ្យប្រសើរឡើងដល់យន្តការទាំងឡាយដែលពាក់ព័ន្ធនឹងការអនុវត្តក្នុងប្រឡង ធ្វើយ៉ាងណាបង្ហាញពីតម្លាភាព និងភាពត្រឹមត្រូវ ដើម្បីទទួលបានមន្ត្រីថ្មីប្រកបដោយសមត្ថភាពកាន់តែខ្ពស់ ក៏ដូចជាការកសាងសមត្ថភាព និងការបង្កើនល្បឿន នៃការអភិវឌ្ឍកិច្ចការសាធារណ: និងវិស័យដឹកជញ្ជូនរបស់ប្រទេសឲ្យមានការរីកចម្រើន៕

13422263_531864283664583_7920833266438781159_o

13403877_531864346997910_1366141813868905400_o

13412035_531864650331213_2878096522265854474_o

13329428_531864486997896_7350715446226550712_o

13340214_531864203664591_8292256846093082121_o

13340302_531865190331159_1911782075036867045_o

13346389_531864210331257_8440235372213766869_o

13350471_531864573664554_2456082404080559871_o

13391424_531864733664538_6154705797948104731_o

13391619_531864483664563_3212615500170275827_o

13392089_531865253664486_5828623661262332222_o

13403363_531864386997906_8123146661251947466_o

13411790_531863880331290_2799281095015850345_o

13418474_531864660331212_3601612414531352854_o

13411833_531864406997904_5885867628818480462_o

13411937_531864730331205_7866811892935302788_o

13422350_531864826997862_4758397468297766747_o

13412079_531864950331183_8409457729541978665_o

13391476_531865063664505_1412350583740070371_o

13415369_531865183664493_5783898212396015321_o

MOS (3)

MOS (1)

MOS (2)

MOS (4)

MOS (6)

MOS (7)

MOS (8)

MOS (5)

Loading...