ព័ត៌មានអន្តរជាតិ ព្រឹត្តិការណ៍ សំខាន់ៗ

២៤នាក់ស្លាប់និង២៦នាក់ទៀតបាត់ខ្លួន បន្ទាប់ពីទឹកជំនន់និងការរអិលបាក់ដីឥណ្ឌូនេស៊ី

ឥណ្ឌូនេស៊ី: មន្ត្រីជាន់ខ្ពស់នៅទីភ្នាក់ងារគ្រប់គ្រងគ្រោះមហន្តរាយរបស់ប្រទេសឥណ្ឌូនេស៊ីបាននិយាយនៅថ្ងៃអាទិត្យនេះថា ទឹកជំនន់និងការបាក់ដីនៅចំកណ្តាលខេត្ត Java ភាគខាងលិចប្រទេសឥណ្ឌូនេស៊ី បានបណ្តាលឲ្យមនុស្ស ២៤នាក់ស្លាប់ និង២៦នាក់ផ្សេងទៀតកំពុងបាត់ខ្លួន។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី១៩ មិថុនានេះ។

លោក Sutopo Purwo Nugroho អ្នកនាំពាក្យនៃទីភ្នាក់ងារគ្រប់គ្រងគ្រោះមហន្តរាយជាតិបាននិយាយថា ភាគច្រើននៅក្នុងចំណោមជនរងគ្រោះគឺរស់នៅក្នុងស្រុក Purworejo, ស្រុក Banjarnegara និងស្រុក Kebumen ហើយលកបានបន្ថែមទៀតថា ផ្ទះសម្បែងរាប់សិបខ្នងត្រូវបានរងការខូចខាតនិងបំផ្លាញផងដែរ។

សូមបញ្ជាក់ថា កាលពីខែមុន សិស្សសាលាចំនួន ១៥នាក់ បានស្លាប់នៅពេលដែលរអិលបាក់ដីមួយ​ បានវាយប្រហារជំរំរបស់ពួកគេ​នៅកន្លែងទេសចរណ៍មួយដែលពេញនិយមនៅក្នុងភាគខាងលិចប្រទេសឥណ្ឌូនេស៊ី៕

2409EFD700000578-2873232-Villagers_dig_out_a_motorcycle_buried_in_the_mud_after_a_landsli-a-4_1418551045669 022680260c354f174277af6429975bce flood-sutojayan indonesia_jombang_epa_indonesia_landslide_fulx_40600449

 

មតិយោបល់