ហ្វីលីពីន: រដ្ឋាភិបាលហ្វីលីពីនបានធានាជំនួយដល់ប្រជាជននៅក្នុងតំបន់ដែលត្រូវបានវាយប្រហារដោយព្យុះត្រូពិក Nida ពោលគឺនៅតាមតំបន់មូលដ្ឋានគេហៅឈ្មោះថា Carina ដែលបានធ្វើឱ្យបាក់ដីនៅភាគខាងជើងខេត្ត Cagayan នៅថ្ងៃអាទិត្យនេះ។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី៣១ កក្កដា ឆ្នាំ២០១៦នេះ។
ការិយាល័យទំនាក់ទំនងលេខាធិការរបស់ប្រធានាធិបតីលោក Martin Andanar បានផ្តល់បទសម្ភាសមួយនៅស្ថានីយ៍វិទ្យុរបស់រដ្ឋមួយបាននិយាយថា ម្ហូបអាហារមួយចំនួន ៣០.០០០កញ្ចប់ នឹងយកទៅឲ្យជនរងគ្រោះ ដែលរងផលប៉ះពាល់នៅតាមតំបន់មួយនៅក្នុងខេត្តមួយនេះផងដែរ។
លោកបានព្រមានអ្នកស្រុកនៅតាមតំបន់ទំនាប ជាពិសេសអ្នកនៅលើឆ្នេរសមុទ្រភាគខាងកើត និងភាគខាងជើងនៃប្រទេស ដែលព្យុះត្រូពិច Nida វាយប្រហារខ្លាំងជាងគេ។ ហើយលោកបានជំរុញឱ្យអ្នកនេសាទទាំងអស់ ពន្យាពេលចូលទៅកាន់សមុទ្រ ដែលជាការប្រុងប្រយ័ត្ន។
សូមជម្រាបថា ការរំខានដោយអាកាសធាតុនេះ បាននាំមកនូវភ្លៀងធ្លាក់ខ្លាំងដែលបង្កឱ្យមានគ្រោះថ្នាក់ និងការគំរាមកំហែងនៃទឹកជំនន់និងខ្យល់ព្យុះកើនឡើង។នៅតាមតំបន់មួយចំនួននៅក្នុងខេត្ត Cagayan និងខេត្ត Isabela បានបាត់បង់ការផ្គត់ផ្គង់ថាមពលរបស់ខ្លួន ដោយសារការរំខានអាកាសធាតុនោះ៕
មតិយោបល់