ហ្វីលីពីន: ចាប់តាំងពីដំណើរការមកកាន់អំណាចរយៈពេលប្រាំសប្តាហ៍មុន លោកប្រធានាធិបតីហ្វីលីពីន Duterte បាននិយាយថា លោកគ្រោងនឹងជ្រើសរើសទាហានចំនួន ២០.០០០នាក់បន្ថែមទៀត ដើម្បីជួយការពារបូរណភាពទឹកដីរបស់ប្រទេសនេះ។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី១១ សីហា ឆ្នាំ២០១៦។
លោកបានសង្កត់ធ្ងន់ថា «ឥឡូវនេះ ខ្ញុំមើលឃើញបញ្ហានៅពេលខាងមុខ ក្នុងរយៈពេល៣ទៅ ៧ឆ្នាំខាងមុខទៀត យើងនឹងមានបញ្ហាជាមួយនឹងក្រុម ISIS។ ហើយខ្ញុំថា កងទ័ពគឺជាឧបករណ៍ទំនើប ដើម្បីប្រយុទ្ធប្រឆាំងនឹងក្រុម Abu Sayyaf»។
លោកបានបន្តថា យើងចង់គ្រប់គ្រងតំបន់ទាំងអស់ ហើយយើងមិនចង់បាត់បង់ទឹកដីណាមួយទេ យើងចង់រំលឹកឡើងវិញនូវសម្ព័ន្ធភាពយ៉ាងជិតស្និទ្ធជាមួយសហរដ្ឋអាមេរិក ក្នុងការប្រយុទ្ធប្រឆាំងនឹងពួកសកម្មប្រយុទ្ធអ៊ីស្លាម និងនៅក្នុងជម្លោះនៅក្នុងសមុទ្រហ្វីលីពីនជាមួយចិន ក្នុងសមុទ្រចិនខាងត្បូង។
លោកបានរៀបរាប់ថា ភេរវករក្រុម Abu Sayyaf ដែលជាចោរប្លន់បានសម្លាប់ជនស៊ីវិល ដោយគ្មានហេតុផល ហើយម្យ៉ាងវិញទៀត ពួកគេបានជំរិតទារប្រាក់និងបំផ្ទុះគ្រាប់បែក។ ហើយក្រុមនេះ កំពុងចំណាប់ខ្មាំងបរទេសជាច្រើននាក់ផងដែរ មកពីប្រទេសន័រវេស, ប្រទេសហូឡង់និងប្រទេសម៉ាឡេស៊ី៕
មតិយោបល់