អាមេរិក: មេដឹកនាំបក្សប្រជាធិបតេយ្យនៅសភាអាមេរិក កាលពីថ្ងៃអង្គារ បានប្រកាសផ្លូវការ សម្រាប់បទចោទប្រកាន់ ប្រឆាំងនឹងលោក ប្រធានាធិបតីលោក ដូណាល់ ត្រាំ ចំនួនពីរករណី គឺបទរំលោភអំណាច និងរារាំងដំណើរការស៊ើបអង្កេតរបស់សភា។ នេះបើយោងតាមសារព៍ត៌មាន Aljazeera ចេញផ្សាយនៅថ្ងៃទី១១ ខែធ្នូ ឆ្នាំ២០១៩។
ដំណើរការបន្ទាប់ទៀត គឺរដ្ឋសភាពេញអង្គ នឹងបោះឆ្នោតសម្រេចលើបទចោទនេះ ដែលគេរំពឹងថា ព្រឹទ្ធសភាដឹកនាំដោយគណបក្សសាធារណរដ្ឋ នឹងបើកសវនាការកាត់ទោសលោក ត្រាំ នៅខែមករាខាងមុខនេះ ប្រសិនបើលោក ត្រាំ ត្រូវបានចោទប្រកាន់ទម្លាក់ពីតំណែងនោះ។
យ៉ាងណាមិញការទម្លាក់រូបលោកចេញពីតំណែងបាន លុះត្រាមានសំឡេងគាំទ្រ ៦៧ លើ ១០០ នៅក្នុងព្រឹទ្ធសភា ដែលករណីនេះ គេមើលឃើញថា ប្រហែលជាមិនអាចទៅរួចទេ ព្រោះយ៉ាងហោចណាស់ក៏ត្រូវមានសមាជិកព្រឹទ្ធសភាបក្សសាធារណរដ្ឋចំនួន ២០ នាក់ ប្រឆាំងនឹងលោក ត្រាំ៕
មតិយោបល់