Post News Media ព័ត៌មានអន្តរជាតិ ចិនច្រានចោលកា...

ចិនច្រានចោលការរិះគន់ការបង្រ្កាបលើអ្នកការពារសិទិ្ធមនុស្សរបស់អាមេរិក

ចិន: នៅថ្ងៃសៅរ៍នេះ ចិនស្តីបន្ទោសសហរដ្ឋអាមេរិក ដែលបានរិះគន់ចំពោះការ​ផ្តន្ទា​ទោស​ទៅលើសកម្មជនសិទិ្ធមនុស្សរបស់ខ្លួន ដោយតុលាការចិននៅសប្តាហ៍នេះ បាន​ផ្តន្ទាទោសអ្នកតស៊ូមតិសិទិ្ធមនុស្សបីនាក់ និងមេធាវីម្នាក់ ដាក់ពន្ធនាគារចំនួនប្រាំពីរឆ្នាំកន្លះ​សម្រាប់​វិទ្ធង្សនា​(បង្ហិនបង្ហោច)។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី០៦ សីហា ឆ្នាំ២០១៦នេះ។

មនុស្សរាប់សិបនាក់ជាប់ទាក់ទិនទៅនឹងក្រុមហ៊ុនមេធាវី Fengrui ប្រចាំនៅទីក្រុងប៉េកាំង ត្រូវបានគេវាយ​ប្រហារ​​នៅក្នុងការបង្រ្កាបទៅលើអ្នកប្រឆាំង​ចាប់តាំងពីខែកក្កដា ខណ:ដែលរដ្ឋការលោកប្រធានាធិបតី Xi Jinping បានរឹតបន្តឹងការគ្រប់គ្រង និងលើកឡើងពីតម្រូវការ ដើម្បីបង្កើនសន្ដិសុខនិងស្ថិរភាពជាតិ។

ការផ្តន្ទាទោសសកម្មជននិងមេធាវី ដែលពួកគេទាំងអស់នោះ បានជាប់ពាក់ព័ន្ទជាមួយក្រុមហ៊ុននេះ ត្រូវ​បាន​គេថ្កោលទោសដោយក្រុមអង្គការសិទ្ធិមនុស្សអន្ដរជាតិ ដែលជាកិច្ចខិតខំប្រឹងប្រែង ដើម្បីបំបិទមាត់​អ្នក​រិះគន់។

កាលពីថ្ងៃព្រហស្បតិ៍ អ្នកនាំពាក្យក្រសួងការបរទេសអាមេរិក បានឱ្យដឹងថា សហរដ្ឋអាមេរិកបានគេព្រួយ​បារម្ភអំពីការផ្តន្ទាទោសនេះ បានធ្វើឡើងនៅលើ “បទចោទប្រកាន់ហេតុផលនយោបាយយ៉ាងច្បាស់” និង​បានអំពាវនាវឱ្យមានការដោះលែងសកម្មជននិងមេធាវីផងដែរ។

លោកស្រីអ្នកនាំពាក្យក្រសួងការបរទេសចិន ហួ ឈុនយីង បាននិយាយថា ការចោទប្រកាន់របស់សហរដ្ឋ​អាមេរិក​មកលើចិន គឺគ្មានមូលដ្ឋាន ហើយបានជំរុញឱ្យក្រុងវ៉ាស៊ីនតោនគោរពអង្គហេតុផង។

អាជ្ញាធរតុលាការ​ចិន​បានដោះស្រាយករណីពាក់ព័ន្ធក្នុងការអនុលោមតាមច្បាប់ ដូច្នេះថា សិទ្ធិស្របច្បាប់​ព្រម​ទាំងផលប្រយោជន៍របស់ជនជាប់ចោទ អាចនឹងត្រូវបានការពារយ៉ាងមានប្រសិទ្ធិភាព។

អាជ្ញាធរបានចោទប្រកាន់ថា ក្រុមហ៊ុននេះបានរៀបចម្ការតវ៉ានៅខាងក្រៅតុលាការ ជាករណីនយោបាយនិង​សម​គំនិត​ជាមួយកងកម្លាំងបរទេស ដែលបានធ្វើឱ្យប៉ះពាល់ដល់បក្សកុម្មុយនីស្ត កំពុងកាន់អំណាចរបស់​ប្រទេសចិន៕

Hua Chunying China-John Kerry US