ប៉ាគីស្ថាន: រដ្ឋមន្ត្រីក្រសួងសុខាភិបាលខេត្តបានបញ្ជាក់ថា រហូតមកដល់ពេលនេះ មនុស្ស ៩៣នាក់បានស្លាប់ គ្រាដែលរងរបួស ៥៦នាក់ផ្សេងទៀត នៅក្នុងហេតុការណ៍បំផ្ទុះគ្រាប់បែកធ្វើអត្តឃាតមន្ទីរពេទ្យនៅនិរតីប្រទេសប៉ាគីស្ថាន។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី៨ សីហា ឆ្នាំ២០១៦។
បើតាមសារព័ត៌មាន Geo News បាននិយាយថា ករណីបំផ្ទុះគ្រាប់បែកនេះ បានកើតឡើងនៅម៉ោងប្រហែល ៩និង៥០នាទីព្រឹក ត្រូវនឹងម៉ោងក្នុងស្រុក នៅទីក្រុង Quetta នៃរដ្ឋធានីខេត្ត Balochistan។ ហើយករណីបំផ្ទុះនេះមិនត្រូវបានគេស្គាល់នៅឡើយទេរហូតមកដល់ពេលនេះ។
ដោយឡែក គ្មានក្រុមណាមួយ បានចេញមុខប្រកាសទទួលខុស ត្រូវចំពោះការវាយប្រហារនេះនៅឡើយទេ។ ប៉ុន្តែក្រុមប៉ូលិស បានប្រញាប់ទៅកន្លែងផ្ទុះនោះ ដើម្បីធ្វើការស៊ើបអង្កេតជាបន្ទាន់៕
មតិយោបល់