ស្វ៊ីសៈ ប្រភពពីប៉ូលិស និង ប្រព័ន្ធផ្សព្វផ្សាយក្នុងស្រុកបានឲ្យដឹងថា បុរសវ័យក្មេងម្នាក់បានវាយ ប្រហារអ្នកដំណើរលើរថភ្លើងមួយ ក្នុងទីក្រុង St. Callen ភាកខាងជើងនៃប្រទេសស្វ៊ីស កាលពីរសៀលថ្ងៃសៅរ៍ បង្កឲ្យរងរបួសយ៉ាងហោចណាស់ ៦នាក់ ។នេះបើយោងតាមសារព័ត៌មាន ស៊ីនហួរចុះផ្សាយនៅថ្ងៃទី ១៤ ខែសីហាឆ្នាំ ២០១៦។

ទីភ្ញាក់ងារសារព័ត៌មាន ស្វ៊ីសរាយការណ៍ថាបុរសអាយុ២៧ឆ្នាំបានកាន់កាំបិតមួយ និងដុតភ្លើងដោយប្រើសារ ធាតុរាវងាយឆាប់ឆេះ(អាល់កុល ប្រេង ..អីម្យ៉ាង) បង្កឲ្យមានគ្រោះថ្នាក់អ្នកដំណើរ ៦នាក់ រូមបញ្ចូលទាំង ស្ត្រី មនុស្សចាស់ និង កុមារអាយុ ៦ឆ្នាំផងដែរ ហើយជនបង្កក៏រងរបួស។

ប៉ូលិសនៅក្នុងតំបន់និយាយនៅក្នុងរបាយការណ៍ថា ហេតុការណ៍នេះកើតឡើងនៅម៉ោង ២ និង២០នាទី (ម៉ោងនៅក្នុងស្រុក) នៅលើរថភ្លើងមួយដែលបានដឹកអ្នកដំណើររាប់សិបនាក់ នៅពេលការវាយ ប្រហារកើតឡើង។
អ្នកនាំពាក្យរបស់ប៉ូលិសក្នុងតំបន់ បាននិយាយថា អ្នកដំណើររងរបួសដោយសារការចាក់ និង រលាកភ្លើង ហើយត្រូវបានបញ្ជូនទៅមន្ទីរពេទ្យ ។យ៉ាងណាក៏ប៉ូលិសមិនអាចធ្វើការសន្និដ្ឋាបានទេថាករណីនេះទាក់ទង នឹងក្រុមភេរវករ ឬយ៉ាងណានោះ៕