អ៊ីតាលី: រដ្ឋាភិបាលប្រទេសអ៊ីតាលី បានប្រកាសដាក់រដ្ឋមួយ ក្នុងភាពអាសន្ន បន្ទាប់ពីតំបន់ជាច្រើន ត្រូវបានទទួលរងការវាយប្រហារ ដោយសារគ្រោះរញ្ជួយដីកាលពីថ្ងៃពុធ ដើម្បីជាក្ដីសង្ឃឹម ក្នុងការបន្តស្វែងរកអ្នកនៅរស់រានមានជីវិត។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី២៦ ខែសីហា ឆ្នាំ២០១៦។

នាយករដ្ឋមន្ត្រីលោក Matteo Renzi បាននិយាយថា លោកនឹងផ្ដល់ប្រាក់ ៥៤.៤៦ លានដុល្លារអាមរិក ជាមូលនិធិសម្រាប់ការកសាងឡើងវិញផងដែរ។

គួរបញ្ជាក់ដែរថា ហេតុការណ៍នេះ បានបណ្ដាលឲ្យមនុស្សយ៉ាងហោចណាស់ ២៥០ នាក់បានស្លាប់ និង ៣៦៥ នាក់ទៀតរងរបួស។ មកទល់ពេលនេះ ក្រុមជួយសង្គ្រោះនៅតែបន្តស្វែងរក ដើម្បីជួយជនរងគ្រោះ ក្នុងគំនរបាក់បែកនៃអគារផ្តួលរំលំ បន្ទាប់ពីប្រតិបត្តិការអស់រយ:ពីរយប់មកហើយ៕