សេអ៊ូល: តុលាការរបស់ប្រទេសកូរ៉េខាងត្បូង នៅថ្ងៃសុក្រនេះ បានហាមកសិករមិនឲ្យបើកគ្រឿងចក្រត្រាក់ទ័រ និងរថយន្តរបស់ពួកគេ ចូលរួមនៅក្នុងការតវ៉ាដើម្បីប្រឆាំងនឹងប្រធានាធិបតីគឺលោកស្រី ផាក គឿនហេ ក្នុងទីក្រុង សេអ៊ូល។

យោងតាមសារព័ត៌មានកូរ៉េខាងត្បូង យ៉ុនហាប់ ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០១៦ បានឲ្យដឹងថា តុលាការដ្ឋបាលក្រុង សេអ៊ូល បានបញ្ជាឲ្យប៉ូលិសអនុញ្ញាតឲ្យក្រុមកសិករ Peasants ដែលជាក្រុមកសិករធំជាងគេនៅកូរ៉េខាងត្បូង ចូលរួមនៅក្នុងការប្រមូលផ្តុំក្នុងរដ្ឋធានីសេអ៊ូល នៅថ្ងៃសុក្រ និងថ្ងៃសៅរ៍ ដោយបង្ហាញពីសេរីភាពនៃការជួបជុំរបស់ពួកគេ។

ទោះជាយ៉ាងណាក៏ដោយ ជាមួយនឹងការអនុញ្ញាតនោះ តុលាការរដ្ឋបាលក្រុងសេអ៊ូល ក៏មិនអនុញ្ញាតឲ្យពួកយកចត ឬបើកត្រាក់ទ័រ ចូលក្នុងតំបន់ដែលមានការជួបជុំនោះផងដែរថា ដោយសារការព្រួយបារម្ភចំពោះបញ្ហាចរាចរណ៍។

សូមជំរាបផងដែរថា ប៉ូលិសបានហាមបែបនេះ ដោយសារតែក្រុមកសិករទាំងនោះ បានរាយការណ៍នៅមុននេះថា ពួកគេនឹងបើករថយន្តរាប់រយគ្រឿង និងត្រាក់ទ័រជាច្រើនទៀត ចូលក្នុងទីក្រុង និងបន្ទាប់មកបើកដង្ហែរតាមផ្លូវមួយចំនួនដែលនៅជិតអគាររដ្ឋាភិបាលសំខាន់ៗ និងឆ្ពោះទៅការិយាល័យប្រធានាធិបតី Cheong Wa Dae៕