អាមេរិក: អតីតអភិបាលរដ្ឋតិចសាស់ លោក Rick Perry ជារដ្ឋមន្ត្រីក្រសួងរ៉ែ និងថាមពល ត្រូវបានតែងតាំង ក្រោយការសម្រេចចិត្តយ៉ាងម៉ត់ចត់ ដោយប្រធានាធិបតីជាប់ឆ្នោតអាមេរិក លោក ដូណាល់ ត្រាំ ។ នេះបើយោងតាមរយ: សារព័ត៌មាន CNN ចេញផ្សាយនៅថ្ងៃ១៥ ខែធ្នូ ឆ្នាំ២០១៦។
ក្រោយការចាញ់លើការប្រកួតប្រជែងបោះឆ្នោតតែងតាំងបេក្ខជនប្រធានាធិបតី សម្រាប់គណបក្សសាធារណរដ្ឋកន្លងមក លោក Rick Perry ដែលមានវ័យ ៦៦ ឆ្នាំរូបនេះ បានងាកមកគាំទ្រលោកត្រាំ ដោយបាននិយាយថា « លោកត្រាំមិនមែនជាជម្រើសទីមួយ ឬជាជម្រើសទីពីររបស់លោក សម្រាប់តំណែងជាប្រធានាធិបតីទេ ប៉ុន្តែលោកគឺជាជម្រើសរបស់ប្រជាពលរដ្ឋ។
លោកត្រាំកាលពីថ្ងៃពុធនេះ បានតែងតាំងលោក Perry ជាផ្លូវការឲ្យធ្វើជារដ្ឋមន្ត្រីក្រសួងរ៉ែ និងថាមពល ដែលជាក្រសួងមានបុគ្គលិករាប់សែននាក់ ដែលលោក Perry នឹងមានតួនាទីទទួលខុសត្រូវលើឃ្លាំងអាវុធនុយក្លេអ៊ែរ និងបន្តគាំទ្រការអភិវឌ្ឍគម្រោងថាមពលដែលទាញពីថាមពល អាចប្រើប្រាស់ឡើងវិញដូចជាពន្លឺព្រះអាទិត្យ ( Solar System )។
លោកត្រាំបានបញ្ជាក់នៅក្នុងសេចក្ដីប្រកាសថា៖ «រដ្ឋបាលរបស់ខ្ញុំនឹងធ្វើយ៉ាងណាធានាថា យើងទាញយកផលប្រយោជន៍ចេញពីប្រភពធនធានធម្មជាតិដ៏ច្រើនរបស់យើង ដើម្បីធ្វើឲ្យវិស័យថាមពលរបស់សហរដ្ឋអាមេរិកមានឯករាជ្យភាព និងបង្កើតនូវធនធានថ្មីដ៏ច្រើនសម្រាប់ប្រទេសរបស់យើង៕
មតិយោបល់