Post News Media ព័ត៌មានអន្តរជាតិ មនុស្ស ៣៤០ នា...

មនុស្ស ៣៤០ នាក់ហើយ ត្រូវបានបញ្ជាឲ្យប្រហារជីវិត បន្ទាប់ពីមេដឹកនាំផ្តាច់ការកូរ៉េខាងជើងឡើងកាន់អំណាច

កូរ៉េ: តាមរបាយការណ៍ថ្មី បានឲ្យដឹងថា ចាប់តាំងពីការឡើងកាន់អំណាច ក្នុងឆ្នាំ ២០១១ មក មនុស្ស ៣៤០ នាក់ហើយ ត្រូវបានមេដឹកនាំផ្តាច់ការកូរ៉េខាងជើង លោក គីម ជុងអ៊ុន បញ្ជាឲ្យយកទៅកាត់ទោស ប្រហារជីវិត ។នេះបើយោងតាមរយ: សារព័ត៌មាន CNN ចេញផ្សាយនៅថ្ងៃទី២៩ ខែធ្នូ ឆ្នាំ២០១៦។

យុទ្ធសាស្រ្តនៅក្នុងការកាន់អំណាចរបស់លោក គីម ជុងអ៊ុន រយ:ពេលប្រាំឆ្នាំកន្លងមក គឺមេដឹកនាំផ្ដាច់ការរូបនេះ បានប្រើប្រាស់ទោសប្រហារជីវិត ដើម្បីរឹតបន្តឹងការក្ដោបក្ដាប់អំណាចរបស់ខ្លួន។

ភាគច្រើននៃអ្នកត្រូវបាន លោក Kim កាត់ទោសប្រហារជីវិតទាំងនោះ ជាមន្ត្រីជាន់ខ្ពស់ដែលជាប់ចោទ ពីបទល្មើសពុករលួយ មិនស្មោះត្រង់នឹងរដ្ឋាភិបាល ដោយមានបំណងប៉ុនប៉ង ដើម្បីធ្វើការបះបោរប្រឆាំងនឹងមេដឹកនាំវ័យក្មេងរូបនេះ៕