Post News Media ព័ត៌មានអន្តរជាតិ ពន្លឺសេរីភាពន...

ពន្លឺសេរីភាពនៃអ្នកដំណើរ ដែលត្រូវបានហាមឃាត់ពីប្រទេសមូស្លីម​ចំនួន៧ មិនឲ្យជាន់ដីអាមេរិកមានទ្បើងវិញ ក្រោយ…

អាមេរិក: បន្ទាប់ពីផ្ទុះការតវ៉ាពីពលរដ្ឋក្នុងប្រទេស រួមទាំងការរិះគន់របស់អន្តរជាតិផងនោះ តុលាការកំពូលអាមេរិក​​ប្រចាំ​រដ្ឋវ៉ាស៊ីនតោន​លោក James Robart បានសម្រេច​​រារាំង​ជា​បណ្តោះ​អាសន្នទៅលើការ​ហាម​ឃាត់​អ្នក​ដំណើរ​ និង​ជន​អន្តោប្រវេសន៍​មក​ពី​បណ្តា​ប្រទេសមូស្លីម​ចំនួន​៧​ ដែល​ប្រធានាធិបតី​លោក ដូណាល់ ត្រាំ បាន​ចេញ​បញ្ជានេះ ​កាលពី​សប្តាហ៍​មុន ។ នេះបើយោងតាមរយ: សារព័ត៌មាន CNN ចេញផ្សាយនៅថ្ងៃទី៥ ខែកុម្ភ: ឆ្នាំ២០១៧។

ការជំទាស់រារាំងរបស់តុលាការនេះ ជាសញ្ញាវិជ្ជមានមួយបង្ហាញថា រាល់អ្នក​ដែល​មាន​ទិដ្ឋាការ​ត្រឹមត្រូវ ​នឹង​ត្រូវ​បាន​អនុញ្ញាត​ឲ្យ​ចូល​មក​ក្នុង​សហរដ្ឋ​អាមេរិក។

ពាក់ព័ន្ធនឹងបញ្ហានេះដែរ ប្រធានាធិបតីអាមេរិក លោក ដូណាល់ ត្រាំ បានលើកទ្បើងថា «ជាការសម្រេចចិត្តមួយ មិន​អាច​ទទួល​យក​បាន ដែលវាជាការអូសទាញអាមេរិក ឲ្យនៅឆ្ងាយពីការអនុវត្តច្បាប់ដ៏ត្រឹមត្រូវ»។

ជាការឆ្លើយតបទៅវិញរបស់​លោក Robart បានបញ្ជាក់ថា ការហាមឃាត់ជនភៀសខ្លួន គឺមិនស្របតាមច្បាប់រដ្ឋធម្មនុញ្ញនោះទេ ខណ:ដែលតុលាការ​ក្រុង Seattle បាន​លើក​ឡើង​កាល​ពី​ថ្ងៃ​សុក្រ​ថា រដ្ឋវ៉ាស៊ីនតោន​ និង​រដ្ឋ Minnesota មាន​នីតិ​វិធី​ ក្នុង​ការប្រឈម​ជាមួយ​នឹង​បទ​បញ្ជា​ប្រធានាធិបតីលោក ត្រាំ​៕