ឥណ្ឌូនេស៊ី: អ្នកនាំពាក្យនៃទីភ្នាក់ងារគ្រោះមហន្តរាយជាតិ លោក Sutopo Purwo Nugroho បានឲ្យដឹងថា ភ្លៀងធ្លាក់យ៉ាងខ្លាំង បានបង្កឲ្យមានទឹកជំនន់ នៅខេត្ត Central Java ភាគខាងលិចប្រទេសឥណ្ឌូនេស៊ី កាលពីថ្ងៃអាទិត្យ ដោយសរុបមនុស្ស ៣០០ នាក់ហើយ ត្រូវបានគេជម្លៀសចេញ និងនាំយកទៅកាន់ជម្រកទីតាំងវិហារអ៊ីស្លាមមួយ ដើម្បីសុវត្ថិភាព ខណ:ដែលមនុស្ស ០២នាក់ទៀត កំពុងបាត់ខ្លួន។ នេះបើយោងតាមរយ: សារព័ត៌មាន globaltimes ចេញផ្សាយនៅថ្ងៃទី២៧ ខែកុម្ភ: ឆ្នាំ២០១៧។

លោក Nugroho បាននិយាយថា ចំនួនទឹកជំនន់ដ៏ធំ បាននាំយកនូវភក់យ៉ាងច្រើន វាយប្រហារលើភូមិ Purwosari ក្នុងស្រុក kendal កាលពីវេលាម៉ោង ៤ រសៀល (ម៉ោងនៅទីក្រុងហ្សាកាតា)។

ផ្ទះប្រាំបីខ្នង ត្រូវបានទឹកហូរកួចនាំទៅឆ្ងាយ ខណ:ដែលបីខ្នងផ្សេងទៀត ត្រូវបានបំផ្លាញដោយទឹកជំនន់នោះ។

សូមជំរាបថា ឥណ្ឌូនេស៊ីជាញឹកញាប់ តែងត្រូវបានវាយប្រហារដោយទឹកជំនន់ និងការបាក់ដី ក្នុងអំឡុងពេលភ្លៀងធ្លាក់ខ្លាំង៕