ជប៉ុនៈ នាយរដ្ឋមន្ត្រីជប៉ុនលោក ស៊ីនហ្សូ អាបេ បានថ្កោលទោសយ៉ាងខ្លំាង ចំពោះការបាញ់សាកល្បងមីស៊ីលជាច្រើនគ្រាប់ ពីសំណាក់កូរ៉េខាងជើង ដោយលោកលើកទ្បើងថា ជាការគំរាមកំហែងយ៉ាងធ្ងន់ធ្ងរដល់សន្តិភាព ព្រមទាំងស្ថេរភាពនៅក្នុងតំបន់ និងបានចាត់ទុកថា ការធ្វើតេស្តមីស៊ីលរបស់ក្រុងព្យុងយ៉ាង កំពុងសម្ញែងសាច់ដុំដាក់មហាអំណាច ខណៈដែលក្រុងវ៉ាស៊ីនតោន និងសេអ៊ូល បានធ្វើសមយុទ្ធទ្រង់ទ្រាយធំប្រចាំឆ្នាំរបស់ខ្លួន នៅលើឧបទ្វីបកូរ៉េ៕ នេះបើយោងតាមរយៈ សារព័ត៌មានចិនសិង្ហបុរី ចេញផ្សាយនៅថ្ងៃទី ៦ ខែមិនា ឆ្នាំ២០១៧។
តាមមន្ត្រីយោធាកូរ៉េខាងត្បូងម្នាក់ បាននិយាថា កូរ៉េខាងជើងបានបាញ់សាកល្បងមីស៊ីលផ្លោងចំនួន០៤គ្រាប់ នៅវេលាម៉ោង ៧ និង៣៦នាទីព្រឹកថ្ងៃចន្ទនេះ ដោយមីស៊ីលចំនួន ០៣គ្រាប់ បានធ្លាក់ចូលក្នុងតំបន់ដែនទឹកសេដ្ឋកិច្ចផ្ដាច់មុខរបស់ជប៉ុន នៅឯសមុទ្រខាងកើត។
ការបាញ់នេះ ត្រូវបានគេមើលឃើញថា គឺជាការឆ្លើយតបទៅនឹងការធ្វើសមយុទ្ធទ្រង់ទ្រាយធំរវាងអាមេរិក និងកូរ៉េខាងត្បូង។
សូមជំរាបថា គ្រាប់មីស៊ីលទំាងអស់នេះ អាចហោះបានក្នុងរយៈចម្ងាយប្រមាណ ១,០០០ គីឡូម៉ែត្រឯណោះ៕
មតិយោបល់