អ៊ីស្រាអែលៈ គ្រាប់រ៉ុក្កែតចំនួន ១៦គ្រាប់ ត្រូវបានបាញ់ចេញ កាលពីថ្ងៃសុក្រពីតំបន់កាហ្សាស្ទ្រីប ឆ្ពោះទៅកាន់ទីក្រុង Sderot និងទីតាំងលំនៅផ្សេងៗទៀត នៅភាគខាងត្បូងអ៊ីស្រាអែល។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី២៧ ខែតុលា ឆ្នាំ២០១៨។

កងកម្លាំងការពារអ៊ីស្រាអែល (IDF) បាននិយាយនៅក្នុងសេចក្តីថ្លែងការណ៍មួយថា គ្រាប់រ៉ុក្កែតចំនួន ១០ គ្រាប់ ត្រូវបានស្ទាក់ចាប់ដោយប្រព័ន្ធការពារជាតិ Iron Dome របស់ខ្លួន។

ប្រភពពី IDF បានបន្ថែមថា យន្ដហោះចម្បាំង និងឧទ្ធម្ភាគចក្រ បានវាយប្រហារគោលដៅនៅតំបន់ហ្គាហ្សាស្ទ្រីប ក្នុងរយៈពេលខ្លីមួយ បន្ទាប់ពីការបាញ់គ្រាប់រ៉ុកកែតរបស់ប៉ាទ្បេស្ទីន។

សូមជំរាបថា កាលពីថ្ងៃសុក្រ មានជនជាតិប៉ាឡេស្ទីនចំនួន ១៦,០០០ នាក់ បានធ្វើបាតុកម្មនៅជិតរបងព្រំដែនសន្តិសុខ ហើយបានបំផ្ទុះគ្រាប់បែក និងបាញ់រ៉ុក្កែត រួមទាំងដុតសំបកកង់ទៀតផង៕