រុស្ស៊ី: មេដឹកនាំដ៏សំខាន់របស់គណបក្សប្រឆាំង នៅក្នុងប្រទេស លោក Alexei Navalny ត្រូវបានចាប់ខ្លួន នៅឯកន្លែងតវ៉ាប្រឆាំងអំពើពុករលួយ ដែលវាត្រូវបានរៀបចំទ្បើងដោយលោក នៅក្នុងរដ្ឋធានីម៉ូស្គូ។​នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី២៧ ខែមីនា ឆ្នាំ២០១៧។

មនុស្សរាប់ពាន់នាក់ បានប្រមូលផ្តុំគ្នា នៅទូទាំងប្រទេស ជាចលនាចូលរួមរបស់ប្រជាជន ក្នុងការអំពាវនាវឲ្យមានការលាលែងចេញពីតំណែងរបស់នាយករដ្ឋមន្ដ្រី លោក Dmitry Medvedev ជុំវិញការចោទប្រកាន់ពាក់ព័ន្ធនឹងអំពើពុករលួយ។

យ៉ាងហោចណាស់ ក្រុមអ្នកតវ៉ាចំនួន ៥០០ នាក់ ត្រូវបានឃុំខ្លួន នៅក្នុងរដ្ឋធានី និងនៅទូទាំងប្រទេស។

ភាគច្រើននៃការប្រមូលផ្ដុំគ្នាតវ៉ានេះ គឺជាការខុសសច្បាប់ ដែលបានរៀបចំដោយគ្មានការអនុញ្ញាតជាផ្លូវការ។

តាមរយ:រូបភាពទូរទស្សន៍ បានបង្ហាញពីក្រុមបាតុករស្រែកជាមួយនឹងឃ្លាថា «ចុះចេញជាមួយលោកពូទីន!, ប្រទេសរុស្ស៊ី នឹងគ្មានលោកពូទីន! និង លោកពូទីន គឺជាចោរលួច!» ។

ប្រភពពីអ្នកកាសែត បាននិយាយថា ការហែក្បួននេះ ទំនងជាធំជាងគេបំផុតចាប់តាំងពីបាតុកម្មប្រឆាំង រដ្ឋាភិបាលនៅក្នុង ២០១១ និង២០១២ ៕