ម៉ាទ្បេស៊ី: លោក Najib Razak នាយករដ្ឋមន្ត្រីម៉ាឡេស៊ី នៅថ្ងៃអង្គារនេះ បាននិយាយថា លោកបានពិភាក្សាពីលទ្ធភាពទិញយន្ដហោះចម្បាំង Rafale ពី​ក្រុមហ៊ុន​បារាំង​ឈ្មោះ Dassault Aviation SA ជាមួយប្រធានាធិបតីបារាំង លោក Francois Hollande តែមិនទាន់បានសម្រេចថាទិញវានៅឡើយ។​ នេះបើយោងតាមរយ: សារព័ត៌មាន Channel News Asia ចេញផ្សាយ​នៅថ្ងៃទី២៨ ខែមីនា ឆ្នាំ២០១៧។

នៅក្នុងសន្និសីទកាសែតរួមគ្នា ដែលរៀបចំឡើងដោយមេដឹកនាំទាំងពីរ នៅអំទ្បុងពេលលោក Hollande បានធ្វើដំណើរទស្សនកិច្ចមកកាន់ប្រទេសម៉ាទ្បេស៊ី លោក Najib បានថ្លែងថា «យើងមិនទាន់បានត្រៀមខ្លួននៅទ្បើយទេ ដោយកំពុងធ្វើការពិភាក្សាអំពីការទិញយន្តហោះចម្បាំងពីប្រទេសបារាំង ប៉ុន្តែយើងនឹងកំណត់ការទិញវា ដែលជាភាពជោគជ័យរបស់ខ្លួន… »៕