ហ្វីលីពីន: សម្ព័ន្ធមិត្តនៃប្រធានាធិបតីលោក Rodrigo Duterte បានរៀបចំច្បាប់ ក្នុងការពន្យារពេលបោះឆ្នោត ទៅលើក្រុមប្រឹក្សាភូមិចំនួន ៤០.០០០ កន្លែង នៅក្នុងប្រទេស ដើម្បីអនុញ្ញាតឲ្យលោក Duterte ជ្រើសរើសយកការជំនួសមកវិញនូវអ្វីដែលពួកគេហៅថា ជាផ្នែកមួយនៃសង្រ្គាមបង្ក្រាបថ្នាំញៀន។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី៣១ ខែមីនា ឆ្នាំ២០១៧។

ប្រសិនបើច្បាប់នេះ ត្រូវបានអនុម័តដោយសភា នោះការផ្លាស់ប្តូរនេះ នឹងធ្វើឲ្យលោក Duterte ដែលជាអតីតអភិបាលក្រុង នឹងក្លាយជាមេដឹកនាំដ៏មានឥទ្ធិពលបំផុត នៅក្នុងប្រទេសហ្វីលីពីន។

លោក Duterte បានប្រកាសថា ៤០ ភាគរយនៃប្រធានភូមិរបស់ហ្វីលីពីន ត្រូវបានគេស្គាល់ថា ជាមេបញ្ជាការកង ដែលជាប់ពាក់ព័ន្ធនឹងប្រតិបត្តិការថ្នាំញៀន ក្នុងការជួយរារាំង និងបង្រ្កាបសកម្មភាពគ្រឿងញៀន ដោយស្ថិតនៅក្រោមការគ្រប់គ្រងរបស់លោក។

គួរបញ្ជាក់ដែរថា មនុស្សជាង ៨.០០០ នាក់ហើយ ដែលភាគច្រើនជាអ្នកប្រើប្រាស់ និងជួញដូរថ្នាំញៀន ត្រូវបានសម្លាប់ចាប់តាំងពីលោក Duterte បានចូលកាន់តំណែង កាលពីចុងខែមិថុនា ឆ្នាំ២០១៦ កន្លងទៅ៕