ប៉ូលិសឥណ្ឌូនេស៊ី បានចាប់ឃុំខ្លួនបុរស ១៤១ នាក់ ក្នុងនោះរួមមានទាំងជនបរទេសជាច្រើន នៅក្នុងប្រតិបត្តិការវាយឆ្មក់ កាលពីចុងសប្តាហ៍ ពាក់ព័ន្ធនឹងការធ្វើពិធីជប់លៀងប្រុសស្រទ្បាញ់ប្រុស ដោយមិនមានការជូនដំណឹងទៅកាន់អាជ្ញាធរ នៅកន្លែងសូណាមួយ ភាគខាងជើងទីក្រុងចាកាតា។ នេះបើយោងតាមរយ: សារព័ត៌មាន aljazeera ចេញផ្សាយនៅថ្ងៃទី២៣ ខែឧសភា ឆ្នាំ២០១៧។

អ្នកនាំពាក្យប៉ូលិសលោក Argo Yuwono បានឲ្យដឹងនៅក្នុងសេចក្តីថ្លែងការណ៍មួយថា អ្នកដែលត្រូវបានឃុំខ្លួនទាំងនោះ គឺត្រូវបានចោទប្រកាន់ពីបទរំលោភលើច្បាប់ប្រឆាំងនឹងរូបអាសអាភាស ដោយសកម្មភាពរបស់ពួកគេនេះ កំពុងលើកតម្កើនឲ្យទីតាំងសូណា ក្លាយជាកន្លែងនៃកម្មវិធីជួបជុំគ្នា ដើម្បីរួមភេទ។

ប្រធានប៉ូលិសទីក្រុង North Jakarta លោក Detective Nasriadi បានប្រាប់ភ្នាក់ងារ AFP ថា មនុស្ស ១០ នាក់ រួមមានទាំងម្ចាស់ទីតាំងសូណា, សមាជិកបុគ្គលិកជាច្រើន, គ្រូបណ្តុះបណ្តាលកន្លែងហាត់ប្រាណម្នាក់, អ្នកទទួលភ្ញៀវ និងសន្តិសុខម្នាក់ ត្រូវបានរងការចោទប្រកាន់ផងដែរ ខណ:ដែលពួកគេ កំពុងត្រូវបានសាកសួរ ពីមន្ត្រីប៉ូលិស។

គួរបញ្ជាក់ដែរថា ប្រសិនបើរកឃើញថា ពួកគេពិតជាមានកំហុសនោះ នឹងត្រូវប្រឈមមុខការផាកពិន័យ ព្រមទាំងកាត់ទោសឲ្យជាប់ពន្ធនាគាររហូតដល់ ១០ ឆ្នាំឯណោះ៕