ព័ត៌មានអន្តរជាតិ

កងទ័ពហ្វីលីពីនរំដោះចំណាប់ខ្មាំងបាន ៧៨ នាក់ និងសម្លាប់ខ្មាន់កាំភ្លើងជាប់ពាក់ព័ន្ធនឹងភេរវករ ISIS ១៣ នាក់

ហ្វីលីពីន: យ៉ាងហោចណាស់ទាហាន និងប៉ូលិស ០៧ នាក់ ត្រូវបានសម្លាប់នៅទីក្រុង Marawi ដែលជាកន្លែងកងកម្លាំងរដ្ឋាភិបាល បើកប្រតិបត្តិការបោសម្អាតមួយ ដើម្បីជួយសង្គ្រោះចំណាប់ខ្មាំងរាប់សិបនាក់ ពីពួកភេរវកររដ្ឋអ៊ីស្លាម។ ​នេះបើយោងតាមរយ: សារព័ត៌មាន RT ចេញផ្សាយនៅថ្ងៃទី២៥ ខែឧសភា ឆ្នាំ២០១៧។

លោកវរសេនីយ៍ឯក Edgard Arevalo អ្នកនាំពាក្យយោធានៃការិយាល័យកងកម្លាំងប្រដាប់អាវុធរបស់ហ្វីលីពីន (AFP) បានប្រកាសកាលពីថ្ងៃពុធថា ទាហាន ០៥នាក់ និងប៉ូលិស ០២នាក់ ត្រូវបានសម្លាប់ នៅក្នុងការប៉ះទង្គិចគ្នា ជាមួយនឹងពួកសកម្មប្រយុទ្ធ ចាប់តាំងពីថ្ងៃអង្គារសប្ដាហ៍នេះ ។

នៅក្នុងប្រតិបត្តិនេះ កងទ័ពរដ្ឋាភិបាល បានសម្លាប់ខ្មាន់កាំភ្លើង ១៣ នាក់ ដែលមានទំនាក់ទំនងជាមួយរដ្ឋអ៊ីស្លាម នៃក្រុម Maute ដែលបានចូលលុកលុយនៅគ្លីនិកក្នុងតំបន់ ដោយចាប់យកចំណាប់ខ្មាំង និងកាន់កាប់នៅ City Hall របស់ទីក្រុង Marawi ។

មេបញ្ជាការតំបន់ Western Mindanao លោកឧត្តមសេនីយ៍ Lt. Gen. Carlito Galvez Jr បាននិយាយថា កងកម្លាំងរដ្ឋាភិបាលរំដោះជនស៊ីវិលបាន ៧៨ នាក់ មកពីមជ្ឈមណ្ឌលវេជ្ជសាស្ត្រ Amai Pakpak ជាកន្លែងដែលភេរវករ បានព្យាយាមប្រើប្រាស់ពួកគេ ដើម្បីធ្វើជាខែលសម្រាប់ផ្លាស់ប្តូរការរស់នៅ៕

មតិយោបល់