អាមេរិក: ប្រជាពលរដ្ឋមកពីប្រទេសមូស្លីមសំខាន់ៗ ចំនួន ៦ និងជនភៀសខ្លួនទាំងអស់ ឥឡូវនេះ ត្រូវប្រឈមមុខនឹងភាពតឹងតែងជាងមុន ដោយសារតែបម្រាមហាមឃាត់ដ៏ចម្រូងចម្រាស របស់លោកប្រធានាធិបតី ដូណាល់ ត្រាំ បានចូលជាធរមានហើយ ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី៣០ ខែមិថុនា ឆ្នាំ២០១៧។

វាមានន័យថា មនុស្សដែលគ្មានទំនាក់ទំនងជិតស្និទ្ធជាមួយគ្រួសារ ឬមុខជំនួញនៅអាមេរិក អាចត្រូវបានបដិសេធទិដ្ឋាការ និងហាមឃាត់មិនឲ្យចូលមកកាន់ទឹកដីអាមេរិកទ្បើយ។

ច្បាប់នេះ ត្រូវបានអនុវត្តទៅលើប្រជាជនមកពីបណ្ដាលប្រទេសដូចជា អ៊ីរ៉ង់, លីប៊ី, ស៊ីរី, សូម៉ាលី, ស៊ូដង់ និងយេម៉ែន ព្រមទាំងជនភៀសខ្លួនទាំងអស់។

គួរបញ្ជាក់ដែរថា អ្នកដែលអាចរួចផុតពីបទបម្រាបហាមឃាត់នេះបាន រួមមាន ប្រជាជនអាមេរិក, អ្នករស់នៅអចិន្រ្ដៃយ៍ស្របច្បាប់ ដែលមានកាន់កាតខៀវ, អ្នកមានកាន់វីសាបច្ចុប្បន្ន, អ្នកមានសញ្ជាតិពីរ, ជនជាតិបរទេសជាមួយនឹងគ្រួសារ (bona fide) ដែលទទួលបានការអប់រំ ឫមានទំនាក់ទំនងពាណិជ្ជកម្ម ជាមួយអាមេរិកប៉ុណ្ណោះ៕