វ៉េណេស៊ុយអេឡាៈ ប្រធានាធិបតីវ៉េណេស៊ុយអេឡា លោក Nicolas Maduro បានអំពាវនាវឲ្យមានការធ្វើសមយុទ្ធយោធា បន្ទាប់ពីប្រធានាធិបតីអាមេរិក លោក ដូណាល់ ត្រាំ បានគំរាមធ្វើអន្តរាគមន៍ប្រដាប់អាវុធ នៅក្នុងប្រទេសខ្លួន។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៥ ខែសីហា ឆ្នាំ២០១៧។

ថ្លែងកាលពីថ្ងៃចន្ទលោក Maduro នៅតែទទូចចង់ចរចា ជាមួយមេដឹកនាំអាមេរិក បន្ទាប់ពីការគំរាមប្រើជម្រើសយោធា ចំពេលមានការតវ៉ាដោយអំពើហិង្សានៅក្នុងប្រទេស ប៉ុន្តែលោកក៏បានប្រាប់ដល់ក្រុមអ្នកគាំទ្រខ្លួន នៅទីក្រុងការ៉ាកា ឲ្យរៀបចំខ្លួនផងដែរ ដើម្បីទប់ទល់សម្រាប់ការឈ្លានពានរបស់«ចក្រពត្តិនិយម» ។

សូមជំរាបថា ពាក់ព័ន្ធនឹងបញ្ហានេះដែរ​ អនុប្រធានប្រធានាធិបតីអាមេរិក លោក Mike Pence បានប្រាប់ទៅលោក Maduro ថា មិនចាំបាច់មានការព្រួយបារម្ភទៅលើការនិយាយរបស់លោក ត្រាំ នោះទេ ដោយបានអះអាងថា នឹងប្រើដំណោះស្រាយសន្តិភាព ដើម្បីផ្ដួលរលំរបបផ្តាច់ការ នៅក្នុងប្រទេសមួយនេះ។

ក្នុងនោះលោក Pence បានបន្ថែមថា «ប្រធានាធិបតី ត្រាំ បានបញ្ជាក់យ៉ាងច្បាស់ថា អាមេរិកនឹងមិនឈរឱបដៃមើល ឲ្យប្រទេសវ៉េណេស៊ុយអេឡា ធ្លាក់ចូលទៅក្នុងរបបផ្តាច់ការទ្បើយ៕