អេស្ប៉ាញ: ប៉ូលិសអេស៉្បាញ បាននិយាយថា ពួកគេបានបាញ់សម្លាប់ជនសង្ស័យឈ្មោះ យូណែស អាប៊ូយ៉ាក់កូ ហើយ បន្ទាប់ពីត្រូវបានកំណត់អត្តសញ្ញាណថា ជាអ្នកបើករថយន្តដឹកទំនិញ បំបុកចូលហ្វូងមនុស្ស នៅទីក្រុងបាសេទ្បូណា កាលពីយប់​ថ្ងៃព្រហស្បតិ៍សប្ដាហ៍មុន ដែលបានសម្លាប់មនុស្ស ១៥ នាក់ និង ១៣០ នាក់ទៀតរងរបួស។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី២២ ខែសីហា ឆ្នាំ២០១៧។

ពាក់ព័ន្ធនឹងហេតុការណ៍នេះដែរ ប៉ូលិសបានបញ្ជាក់ថា អាប៊ូយ៉ាក់កូ ត្រូវបានបាញ់សម្លាប់នៅចម្ងាយ ៤០ គីទ្បូម៉ែត្រពីភាគខាងលិចនៃទីក្រុងបាសេឡូណា កាលពីរសៀលថ្ងៃច័ន្ទ ក្រោយទទួលបានដំណឹងពីវត្តមានជនសង្ស័យនៅទីនោះ។

សូមជំរាបថា នៅ​ប៉ុន្មានម៉ោង​ក្រោយឈាន​ចូល​ថ្ងៃសុក្រ ក៏មានករណីវាយប្រហារភេរវកម្មលើកទី២ ក្នុងប្រទេសផងដែរ ​ដែលបានកើតឡើងនៅតំបន់រមណីយដ្ឋានទីក្រុងខេមប្រ៊ីលស៍ ដោយមនុស្ស​ចំនួន ០៧នាក់បានរងរបួស ខណ:ជន​ដៃដល់ចំនួន ០៥នាក់ ត្រូវបានប៉ូលិស​បាញ់​សម្លាប់៕