ហ្វីលីពីន: Manny Pacquiao អ្នកប្រដាល់ដ៏ល្បីល្បាញរបស់ ហ្វីលីពីន បានដាក់ទុន ជាមួយនិងក្រុមហ៊ុនផលិតហ្គេមលើទូរស័ព្ទដៃ ដែលមានមូលដ្ឋាន នៅសឹង្ហបុរី។ នេះបើយោងតាម techinasia ចុះផ្សាយនៅថ្ងៃទី៦ ខែមិថុនា ឆ្នាំ២០១៦។

កាលពីខែមុននេះ តារាប្រដាល់ Manny Pacquiao ទើបតែឈ្នះការបោះឆ្នោត ដោយមានកៅអីអង្គុយនៅព្រឹទ្ធសភា ក្រោយការបោះឆ្នោតនៅហ្វីលីពីន  ហើយក៏បានបោះទុនទិញភាគហ៊ុនក្រុមហ៊ុន ផលិតហ្គេម Gtoken ។

ទាក់ទិនរឿងនេះ ខាងក្រុមហ៊ុន Gtoken បានបដិសេធ មិនព្រមបង្ហាញទឹកប្រាក់ដែលធ្វើកិច្ចព្រមព្រៀងនោះទេ។

កិច្ចព្រមព្រៀងនៃការបោះទុនរវាង Manny Pacquiao និង ក្រុមហ៊ុន Gtoken  ធ្វើឡើងនៅ ក្រុង General Santos  នាភាគខាងត្បូង ហ្វីលីពីន កាលពីចុងសប្តាហ៍មុន៕