Post News Media ព័ត៌មានអន្តរជាតិ មេដឹកនាំអ៊ីរ៉...

មេដឹកនាំអ៊ីរ៉ង់ ព្រមានលោក ត្រាំ ថា ការឈមមុខដាក់គ្នា រវាងប្រទេសទាំងពីរ នឹងក្លាយជា មាតានៃសង្គ្រាម

អ៊ីរ៉ង់: ប្រធានាធិបតីអ៊ីរ៉ង់លោក ហាសាន់ រ៉ូហានី បានព្រមានសមភាគីអាមេរិក លោក ដូណាល់ ត្រាំ ថាកុំឲ្យបង្កើនភាពតានតឹង ជាមួយប្រទេសរបស់លោក ដោយបានលើកទ្បើងថា ការប្រឈមមុខគ្នា ជាមួយសាធារណរដ្ឋអ៊ីស្លាម នឹងក្លាយជា «មាតានៃសង្គ្រាម»។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី២៣ ខែកក្កដា ឆ្នាំ២០១៨។

លោក រ៉ូហានី បានថ្លែងកាលពីថ្ងៃអាទិត្យថា «កុំលេងជាមួយភ្លើង អ្នក(អាមេរិក)នឹងសោកស្តាយចំពោះអ្វីដែលអ្នកធ្វើ ដោយលោកបានបន្ថែមថា អាមេរិកមិនអាចរារាំង ការនាំចេញប្រេងឆៅរបស់ខ្លួន ទៅកាន់ទីផ្សារអន្តរជាតិបានទ្បើយ»។

ខណ:មេដឹកនាំរូបនេះ បានព្រមានទៀតថា «សន្តិភាពជាមួយអ៊ីរ៉ង់ នឹងក្លាយជាមាតានៃសន្តិភាព ប៉ុន្តែបើទៅជាសង្គ្រាមនោះ នឹងក្លាយជាមាតានៃសង្គ្រាម»៕

Loading...