ហ្សីមបាវេ: ពួកមេដឹកនាំគណបក្ស ZANU-PF ដែលកំពុងកាន់អំណាចនៅប្រទេសហ្សីមបាវេ បានចូលរួមក្នុងការអំពាវនាវ កាន់តែខ្លាំងក្លាឡើង ដើម្បីឲ្យប្រធានាធិបតីលោក រ៉ូប៊ឺត មួហ្គាបេ លាលែងចេញពីតំណែង។ នេះបើយោងតាមសារព័ត៌មាន BBC ចេញផ្សាយនៅថ្ងៃទី១៨ ខែវិច្ឆិកា ឆ្នាំ២០១៧ ។
ចលនាផ្លាស់ប្ដូរនេះ ត្រូវបានធ្វើឡើងនៅរដ្ឋធានីហារ៉ារ៉េ នាថ្ងៃសៅរ៍នេះ ដោយមានការគាំទ្រយ៉ាងពេញទំហឹង ពីសំណាក់ពួកយោធា ដែលបានចូលមកគ្រប់គ្រងក្នុងប្រទេស កាលពីថ្ងៃទី១៥ ខែវិច្ឆិកា ឆ្នាំ២០១៧។
រហូតមកដល់ពេលនេះ សូម្បីតែអតីតយុទ្ធជនធ្វើសង្គ្រាម ដែលមានភក្ដីភាពស្មោះត្រង់ ចំពោះប្រធានាធិបតីវ័យ ៩៣ ឆ្នាំរូបនេះ ក៏ដូចជាក្រុមសេរីនិយម ក៏បានជំរុញឲ្យលោក មួហ្គាបេ បោះបង់ចោលអំណាចផងដែរ។
សូមជំរាថា លោក មួហ្គាបេ ដែលជាប្រមុខរដ្ឋចាស់ជាងគេនៅលើពិភពលោក កាលពីថ្ងៃព្រហស្បតិ៍ទី១៦ ខែវិច្ឆិកា បានបដិសេធមិនព្រមលាលែងចេញពីតំណែងនោះទេ នៅអំឡុងកិច្ចប្រជុំមួយ ជាមួយមេបញ្ជាការស៊ីមបាវ៉េលោក ខុនស្តានទីណូ ឈីវេនហ្គា និងប្រេសិតទូតអាហ្វ្រិកខាងត្បូង ពោលគឺមួយថ្ងៃបន្ទាប់ពីយោធាបានដណ្ដើមយកការគ្រប់គ្រងពីរដ្ឋាភិបាល៕
មតិយោបល់