នូវែលហ្សេឡង់: ក្រសួងការពារជាតិនូវែលហ្សេទ្បង់ (NZDF) ថ្ងៃព្រហស្បតិ៍នេះ បានឲ្យដឹងថា ឆាប់ៗខាងមុខនេះ កងទ័ពអ៊ីរ៉ាក់ជាង ៧.០០០ នាក់ នឹងទទួល បានការបណ្តុះបណ្តាល ពីកងកម្លាំងនូវែលហ្សេឡង់ និងកងកម្លាំងអូស្ត្រាលី ដើម្បីប្រយុទ្ធប្រឆាំងនឹងពួកឧទ្ទាមរដ្ឋអ៊ិស្លាម ទីក្រុង Wellington។ នេះបើយោង តាមរយ: សារព័ត៌មានចិនស៊ិនហួរ ចេញផ្សាយនៅថ្ងៃទី៩ ខែមិថុនា ឆ្នាំ២០១៦។

បេសកកម្មការកសាងសមត្ថភាពដៃគូរួមគ្នា ដែលមានមូលដ្ឋាននៅជំរំ Taji ភាគខាងជើងទីក្រុងបាដាដ នឹងជួយឲ្យកងកម្លាំងសន្តិសុខអ៊ីរ៉ាក់ (ISF) សាង អំណាចប្រយុទ្ធដើម្បីប្រតិបត្តិការប្រឆាំងនឹងរដ្ឋអ៊ីស្លាម Daesh នេះបើតាមឧត្តម សេនីយ៍ទោលោក Tim Gall មេបញ្ជាការកងកម្លាំងរួមនូវែលហ្សេឡង់ បាននិយាយនៅក្នុងសេចក្តីថ្លែងការណ៍មួយ៕